- Yield: 4 ժամ անց
- Prep Time: 30 minutes
- Cook Time: 35 minutes
Անանասով տորթ
Բաղադրիչներ
- շաքարավազ - 180 գր
- ձու - 3 հատ
- ալյուր - 1,5 բաժակ (բաժակը` 250 գր)
- փխրեցուցիչ - 1,5 թ/գդ
- կարագ - 125 գր
- անանաս - 1,5 բաժակ (պահածոյացված)
- սերուցք 30-35% յուղայնությամբ - 500 մլ
- կաթ - 100 մլ
- շաքարի փոշի - 3 ճ/գդ
- շոկոլադ սպիտակ - 100 գր
- ժելատին - 1,5 ճ/գդ
- ձվի դեղնուց - 2 հատ
- շոկոլադ սև - ըստ ճաշակի
- նուշ - ըստ ճաշակի
Քայլերի հաջորդականություն
- Ձևամանը յուղով պատում ենք և վրան ալյուր ցանում։
Կարագը կամ մարգարինը հալեցնում ենք և սառեցնում։
- Ձվերը շաքարավազի հետ հարում ենք մինչև փրփուր ստանանք, ավելացնում ենք կարագն ու խառնում ենք։
Ալյուրը փխրեցուցիչի հետ մաղում ենք, ավելացնում ձվով զանգվածի մեջ և խառնում։
- Խմորը լցնում ենք 21 սմ տրամագծով բացվող ձևամանի մեջ (կարող ենք 24 սմ տրամագծով ձևաման վերցնել, բայց այդ դեպքում թխվածքը շատ չի բարձրանա), տեղափոխում 180 աստիճան տաքացրած ջեռոցի մեջ և մոտ 35 րոպե թխում ենք մինչև ոսկեգույն դառնա (փայտիկով փորձում ենք, եթե այն խմորից չոր է դուրս գալիս, ուրեմն թխվածքը պատրաստ է)։
Պատրաստի բիսկվիթը ձևամանից հանում ենք, սառեցնում և դնում մատուցարանի վրա։
Բիսկվիթի մեջտեղի հատվածը հանում ենք` թողնում ենք միայն հատակն ու պատերը։ Հանած բիսկվիթը փշրում ենք։
- Կաթն ու 100 մլ սերուցքը հարում ենք:
- Ձվի դեղնուցները շաքարի փոշու հետ հարում ենք, և անընդհատ խառնելով, բարակ շիթով լցնում ենք կաթնային խառնուրդը։
Դնում ենք կրակի վրա և, անընդհատ խառնում ենք մինչև թանձրանա, բայց չենք եռացնում։
Սպիտակ շոկոլադը կտրատում ենք, ավելացնում ենք դեղնուցներով զանգվածը, կափարիչով 5 րոպեով ծածկում ենք, այնուհետև խառնում։
Ժելատինը 80 մլ ջրում լուծում ենք, մի քիչ սառեցնում, այնուհետև լցնում ենք շոկոլադային զանգվածի մեջ և խառնում։
- Անանասի ջուրը քամում ենք և անանասները փոքր խորանարդներով կտրատում ենք։
- Սերուցքը հարում ենք, լցնում շոկոլադե-ժելատինային խառնուրդի մեջ և լավ խառնում։
- Բիսկվիթի շուրջը օղակ ենք հագցնում և բիսկվիթի հատակը անանասի ջրով թրջում ենք, այնուհետև դնում ենք անանասնների մի մասը, վրան սերուցքային մուսս ենք լցնում։
Մնացած մուսսի մեջ ենք լցնում մնացած անանասներն ու բիսկվիթի փշրանքները, լավ խառնում ենք և լցնում մուսսի շերտի վրա։
4 ժամով տեղափոխում ենք սառնարանը։
Սառնարանից հանում ենք, օղակից ազատում, վրան հալեցված շոկոլադ լցնում և նուշ ցանում։
- Տորթը կտրած վիճակում։
Ահա այսպիսի համեղ և թեթև «Անանասով տորթ», որը հարմար աղանդեր է թե տոնական սեղանի և թե ամենօրյա սեղանի համար 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Barev dzes karox ek asek փխրեցուցիչ ev սերուցք da incha
Բարև Ձեզ: Ահա այստեղ կարող եք կարդալ մանրամասն 🙂
http://www.cooks.am/ingredients/%D6%83%D5%AD%D6%80%D5%A5%D6%81%D5%B8%D6%82%D6%81%D5%AB%D5%B9/
http://www.cooks.am/ingredients/%D5%BD%D5%A5%D6%80%D5%B8%D6%82%D6%81%D6%84-%D5%B4%D5%AB%D5%B6%D5%B9%D6%87-20-%D5%B5%D5%B8%D6%82%D5%B2%D5%A1%D5%B5%D5%B6%D5%B8%D6%82%D5%A9%D5%B5%D5%A1%D5%B4%D5%A2/
Barev dzes isk kaseq inch oxak vortexic gnem
Բարև Ձեզ, կարող եք գտնել տնտեսական խանութներում՝ թխվածքների ձևամանների համար նախատեսված բաժնում 🙂