Թխվածքաբլիթներ արախիսի միջուկով
Բաղադրիչներ
- արախիս բոված - 250 գր
- ալյուր - 250 գր
- շաքարի փոշի - 100 գր
- ջուր - 90 մլ
- կարագ - 65 գր
- ձվի դեղնուց - 1/2 հատ
- աղ - 1 պտղունց
Քայլերի հաջորդականություն
- Արախիսը լավ բովում ու կեղևահանում ենք։
Ալյուրը լցնում ենք խորը տարայի մեջ, ավելացնում ենք փափկած կարագն ու խառնում ենք։
- Այնուհետև ավելացնում ենք 1 ճ/գ շաքարի փոշին ու 1 պտղունց աղը։
Ջրի մեջ լցնում ենք դեղնուցի մի մասն ու պատառաքաղով հարում ու ավելացնում ենք խմորային զանգվածին՝ ստանալով խմորագունդ։
- Պատրաստում ենք միջուկը, որի համար նախօրոք բոված ու մաքրած արախիսը բլենդերով հարում ենք։
Ավելացնում ենք շաքարի փոշին ու շարունակում ենք հարել։
- Արդեն սառած խմորը բաժանում ենք երկու մասի՝ ստանալով 3 մմ հաստությամբ երկու ուղղանկյունաձև խմորաշերտ։
- Միջուկը ձեռքերով տրորում ենք՝ ստանալով խմորի երկարությամբ բարակ գերան, որը դնում ենք խմորի երկայնքով։
- Այնուհետև խմորը փաթաթում ու ծայրերն ամրացնում ենք։
- Դանակի օգնությամբ նախշեր ենք անում ու կտրատում ենք։
- Այնուհետև թխվածքաբլիթներից յուրաքանչյուրին ձեռքերի օգնությամբ ալիքի տեսք ենք տալիս։
- Թխվածքաբլիթները դնում ենք յուղաթղթապատ ձևամանի մեջ՝ իրարից ոչ շատ մեծ հեռավորության վրա։ Նույն ձևով վարվում ենք մնացած խմորի ու միջուկի հետ։ Թխում ենք 12-15 րոպե 175 աստիճան տաքացրած ջեռոցում։
- Պետք է ստացվեն բաց գույնի թխվածքաբլիթներ։
Գեղեցիկ ու արտասովոր համեղ այս թխվածքաբլիթները շատ դուր կգան արևելյան խոհանոցի սիրահարներին։
Թողնել պատասխան
Մուտք եղեք: