- Yield: 1 ժամ անց
- Prep Time: 30 minutes
- Cook Time: 25 minutes
Բիսկվիթ «Դակուազ»
Բաղադրիչներ
- ալյուր նուշի - 100 գր
- ալյուր - 30 գր
- շաքարի փոշի - 60 գր
- ձվի սպիտակուց - 160 գր
- շաքարավազ մանր - 125 գր
Քայլերի հաջորդականություն
- Խոհարարական պարկին հագցնում ենք 12 մմ տրամագծով կլոր գլխադիրը: Նուշի ալյուրը, շաքարի փոշին ու ալյուրը լցնում ենք կաթսայի մեջ և ձեռքի հարիչով լավ խառնում (եթե գնդիկներ կան, լավ կլինի նաև զանգվածը մաղել):
- Մաքուր ու չոր կաթսայի մեջ լցնում ենք սպիտակուցները և հարիչի թույլ արագությամբ հարում այնքան, մինչև զանգվածը փրփրի: Այս փուլում սպիտակուցն այլևս չենք հարում, պարզապես խառնում ենք, որպեսզի կազմությունը խախտվի: Այնուհետև հարիչի արագությունն ավելացնում ենք և շարունակում հարել մինչև փրփրելը, այսինքն՝ փափուկ ու ոչ կայուն փրփուրի վերածվելը (սպիտակուցի փրփուրը չի կարող կայուն լինել, քանի դեռ մեջը շաքարավազ չենք լցրել): Արագությունը չփոխելով՝ 3-4 անգամով լցնում ենք շաքարավազը և շարունակում հարել: Հենց որ մերենգան դառնում է խիտ ու փայլուն, հարիչն անջատում ենք:
- Ալյուրների ու շաքարավազի խառնուրդը 2-3 անգամով լցնում ենք հարած մերենգայի մեջ: Սիլիկոնե թիակով՝ ներքևից վերև շարժումներով զանգվածը խնամքով խառնում ենք. հենց որ խառնուրդները միաձուլվում են, խառնելը դադարեցնում ենք:
- Յուղաթուղթը տապակի չափսով կտրում ենք, վրան մատիտով նկարում բիսկվիթի մեր ուզած ձևը և յուղաթուղթը շրջում:
Ստացված խմորը լցնում ենք խոհարարական պարկի մեջ և կենտրոնից սկսած պարուրաձև լցնում յուղաթղթի վրա:
- Խմորի վրա թեթևակի շաքարի փոշի ենք ցանում, որպեսզի վրան բարակ կեղև առաջանա: 5 րոպե այդպես թողնում ենք, որպեսզի չորանա: Շերտերի վրա ևս մեկ անգամ շաքարի փոշի ենք ցանում և նորից թողնում 5 րոպե:
Խորհուրդ. շերտերի վրա շաքարի փոշի ցանելու շնորհիվ բիսկվիթը ներսից լինում է փափուկ, իսկ արտաքինից ունենում է խրթխրթան շերտ: - Դակուազը թխում ենք նախապես 180 աստիճան տաքացրած ջեռոցում 15-20 րոպե: Թխված շերտերով տապակը ջեռոցից հանում ենք, յուղաթուղթը դնում ցանցի վրա ու շերտերը հովացնում:
- Շերտերը հովանալուց հետո յուղաթղթի վրայից պոկում ենք: Եթե շերտերը թխվել են տորթի օղակների մեջ, ապա բարակ դանակը սահեցնում ենք օղակի պատերի երկայնքով և բիսկվիթներն առանձնացնում օղակից:
Դակուազ բիսկվիթ կարելի է պատրաստել նաև պիստակով, շոկոլադով, կոկոսով, կիտրոնով և այլ համային հավելումներով 🙂
Ձեզ կարող է հետաքրքրել նաև
Թողնել պատասխան
Մուտք եղեք: