- Yield: Անմիջապես
- Prep Time: 15 minutes
- Cook Time: 45-50 minutes
Գարեձավար սնկով և կանաչ ոլոռով
Բաղադրիչներ
- գարեձավար (перловая крупа) - 200 գր
- սոխ - 1 հատ
- սխտոր - 3 պճեղ
- գազար - 1 հատ
- սունկ շամպինիոն - 200 գր
- ոլոռ - 150 գր
- սոյայի սոուս - 2 ճ/գդ
- աղ - ըստ ճաշակի
- բուսայուղ - 2 ճ/գդ
Քայլերի հաջորդականություն
- Չափաբաժինները ` 6: Եթե բանջարեղենի քանակությունը մի քիչ ավելացնենք, ապա պահքային շրջանում այն կարող ենք մատուցել որպես հիմնական ճաշատեսակ։
Գարեձավարը լվանում ենք, դնում կաթսայի մեջ, վրան 700 մլ ջուր ենք լցնում և աղ` ըստ ճաշակի։ Հասցնում ենք եռման աստիճանի և թույլ կրակի վրա մոտ 35-40 րոպե եփում ենք։ Պատրաստի վիճակում գարեձավարը պետք է նորմալ եփված լինի, բայց դրա հետ մեկտեղ նաև ձիգ պետք է լինի։
- Քանի դեռ գարեձավարը կրակի վրա է, նախապատրաստում ենք բանջարեղենը։ Սոխը կիսաշրջաններով ենք կտրատում, իսկ գազարը ձողաձև։ Սունկը շերտերով կտրատում ենք։
Թավայի մեջ 2 ճ/գդ բուսայուղ ենք լցնում և միջին ուժեղության կրակի վրա ենք դնում։ Ավելացնում ենք սոխն ու գազարը, խառնելով 5-6 րոպե տապակում ենք, մինչև գազարը դառնա փափուկ, և թեթևակի խրթխրթան։
- Ավելացնում ենք մանրացված սխտորն ու սունկը։ Խառնելով 3-4 րոպե տապակում ենք։ Ավելացնում ենք ոլոռը և ևս 1 րոպե տապակում ենք։
- Պատրաստի գարեձավարը լվանում ենք, քամում, լցնում ենք բանջարեղենի վրա, այնուհետև ավելացնում ենք սոյայի սոուսը և ըստ անհրաժեշտության աղ ենք անում։ Խառնում ենք և մի քանի րոպե տաքացնում։ Մատուցում ենք։
Ի դեպ, այս ուտեստը կհավանեն նաև նրանք, ովքեր գարեձավար չեն սիրում։ Կարող ենք մատուցել ճաշին, կամ ընթրիքին` թարմ բանջարեղենի հետ 🙂
Ձեզ կարող է հետաքրքրել նաև
Թողնել պատասխան
Մուտք եղեք:
isk taq te sar@ vichakum enq matucum ? inchpes e aveli hamex?
Երկու տարբերակով էլ: Քանի որ օգտագործված է բուսայուղ, ոչ թե կարագ կամ հալած յուղ, սառը ևս շատ համեղ է: Սառը մատուցելիս կարելի է նաև կանաչիներ և հազարի թերթիկներ ավելացնել ըստ ցանկության: Այս դեպքում արդեն աղցան կդառնա 🙂