Բաղադրիչները նախատեսված են 20-21 սմ տրամագծով ձևամանի հաշվարկով։

1. Պատրաստում ենք բիսկվիթը։ Պնդուկը բլենդերով կամ սրճաղացով մանրացնում ենք (կարող ենք նաև ընկույզ վերցնել)։
   
2. Ձվերը շաքարավազի և վանիլինի հետ հարում ենք մինչև փքուն սպիտակ զանգված ստանանք։
   
3. Կակաոն, փխրեցուցիչն ու ալյուրը մաղում ենք, ավելացնում ենք ձվերով զանգվածին, և զգուշորեն խառնում ենք (որպեսզի զանգվածը փքուն մնա)։ Ավելացնում ենք պնդուկը և ևս մեկ անգամ զգուշորեն խառնում ենք։
   
4. Խմորը տեղափոխում ենք յուղապատ (միայն ներքևի հատվածն ենք յուղով պատում) ձևամանի մեջ։ Տեղափոխում ենք մինչև 180 աստիճան տաքացրած ջեռոցի մեջ և 20-25 րոպե թխում ենք`մինչև փայտիկը խմորից չոր դուրս գա։ Թխվելու ընթացքում ջեռոցի դուռը ցանկալի է չբացել։
   Պատրաստում ենք կրեմը։ Շոկոլադը կտրատում ենք և դնում գոլորշու վրա։
   
5. Շոկոլադը հալեցնելուց հետո կրակի վրայից վերցնում ենք և թողնում ենք սենյակային ջերմաստիճանի դառնա։ Փափկած կարագը, «նուտելլան» և հալեցրած շոկոլադը լցնում ենք հարիչի բաժակի մեջ և հարում ենք։ Ցածր արագության վրա հարում ենք մինչև համասեռ և հարթ զանգված ստանանք։
   
6. Կրեմը 20 րոպեով տեղափոխում ենք սառնարանը։ Սկսում ենք տորթը հավաքել։ Սառած բիսկվիթը կողքից 2-3 մասի ենք բաժանում։ Առաջին շերտը դնում ենք մատուցարանի վրա և պատում ենք կրեմով։ Վրան վաֆլու փշրանք ենք ցանում։
   
7. Ծածկում ենք երկրորդ շերտով, վրան կրեմ ենք քսում և վաֆլու փշրանք ցանում։ Վերջին շերտն ենք դնում` և տորթն ամբողջությամբ կրեմով պատում(կողքերն ու վերևամասը)։ Կողքերը ձևավորում ենք բոված պնդուկով։ Մնացած կրեմը լցնում ենք ձևավոր գլխադիրով հրուշակեղենային պարկի մեջ և ձևավորում ենք տորթի վերևամասը։ Շարում ենք կլոր կոնֆետները։ Տորթը 2-4 ժամով տեղափոխում ենք սառնարանը, որից հետո մատուցում։