- Yield: 1 ժամ անց
- Prep Time: 35 minutes
- Cook Time: 30 minutes
Ընկույզով տորթ իրիսային կրեմով
Բաղադրիչներ
- Շերտերի համար՝
- ձու - 6 հատ
- շաքարավազ - 270 գր
- վանիլին - 1 ճ/գ
- ալյուր - 225 գր
- ընկույզ - 50 գր
- չիր ծիրանի - 70 գր
- կակաչի սերմ(мак) - 30 գր
- Կրեմի համար՝
- խտացրած կաթ - 400 գր
- կարագ - 200 գր
- թթվասեր - 300 գր (թանձր)
- Օշարակի համար`
- ջուր - 50 մլ
- շաքարավազ - 50 գր
- Ինչպես նաև`
- շոկոլադ սև - ըստ ճաշակի
Քայլերի հաջորդականություն
- Պատրաստում ենք շերտերը: Անհրաժեշտ է ընտրել միանման ձևամաններ, որպեսզի շերտերը հավասար չափսերի ստացվեն: Եթե ունենք հնարավորություն միաժամանակ 3 շերտերն էլ թխելու, ապա կարող եք միանգամից 3 շերտի համար նախատեսված բաղադրիչներով պատրաստել խմորը:
Սպիտակուցները հարում ենք շաքարավազի կեսի հետ, այնքան, մինչև ստանանք փափուկ զանգված:
- Ապա դեղնուցները հարում ենք վանիլինի և շաքարավազի մյուս մասի հետ, մինչև սպիտակելը:
- Այնուհետև իրար ենք խառնում սպիտակուցային և դեղնուցային զանգվածները: Աստիճանաբար մաղում ենք ալյուրը և հունցում ենք թեթև խմոր:
- Այնուհետև խմորը բաժանում ենք 2 հավասար մասի: Մի մասին ավելացնում ենք կտրատված ընկույզը:
- Իսկ մյուսին` մանրացված ծիրանաչիրը:
- Նույն հաջորդականությամբ մնացած բաղադրիչներով պատրաստում ենք նաև 3-րդ շերը, միայն թե խմորին ավելացնում ենք կակաչի սերմերը:
- Այնուհետև խմորը տեղափոխում ենք ձևամանի մեջ և թխում 20-25 րոպե մինչև 180 աստիճան տաքացված ջեռոցում: Այսպես թխում նաև մյուս երկու շերտերը և թողնում ենք որպեսզի սառչեն:
- Պատրաստում ենք կրեմը: Սենյակային ջերմաստիճանի կարագը հարում ենք խտացրած կաթի հետ ոչ մեծ արագությամբ, ավելացնում ենք թթվասերը և հարում ենք մինչև համասեռ զանգված ստանանք:
- Կտրում ենք շերտերի չորացած եզրամասերը, անցկացնում ենք բլենդերով և փշուրներ ստանում:
- Պատրաստում ենք օշարակը: Շաքարավազն ու ջուրը եռացնում ենք և խառնում այնքան, մինչև շաքարավազը լուծվի: Շերտերի վրա լցնում ենք հովացած օշարակը, թողնում ենք ներծծվի և քսում ենք կրեմը:
Շերտերը դասավորում ենք իրար վրա և կրեմով պատում նաև տորթի կողային և վերին հատվածները: Այնուհետև կողային հատվածները պատում ենք փշուրներով, իսկ վերնամասին խոհարարական պարկի օգնությամբ նախշեր անում: Կենտրոնում լցնում ենք քերիչով անցկացված շոկոլադը:
- Ահա և վերջ:
Ընկույզով տորթ պատրաստելու ևս մեկ յուրահատուկ առիթ է Ամանորը 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Aysinqn baxadrichner@ bajaneluenq ereq masi arsndzin arandzin txelu depqum
Բարև Ձեզ: Այո, պետք է բաղադրիչները 3 հավասար մասերի բաժանեք և ստանաք 3 առանձին շերտ: Կարող եք պատրաստել 23 սմ տրամագիծ ունեցող ձևամանի մեջ:
Ev inch chapi dzevamanov?
Բարև ձեզ. Իսկ կլինի եթե ամբողջ բաղադրիչները միանգամից խառնել, այնւհետև առանձին-առանձին 3 շերտ թխել, եթե խմորը մնա 25 րոպե մինչև ամեն մի շերտը պատրաստվի, այդպես չի լինի?
Բարև Ձեզ, կարող եք այդպես պատրաստել 🙂
Եվ մի հարց ևս. Բաղադրիչների մեջ վերևում նշվաժ չէր որ թթվասեր է անհրաժեշտ կրեմի մեջ, պարտադիր է? 2 խտացրած կաթ և թթվասեր 200 գրամ կարագին, կրեմը ջրիկ պետք է լինի ?
Թթվասերը պետք է հնարավորինս թանձր լինի, այդ դեպքում կրեմը ջրիկ չի ստացվի 🙂
barev dez ,amen shert petqe patrastel arandin 6 du amen mi shertin?
Բարև Ձեզ Լիանա ջան, ոչ 6 ձու անհրաժեշտ է բոլոր շերտերի համար 🙂