- Yield: 2 ժամ անց
- Prep Time: 40 minutes
- Cook Time: 20-30 minutes
Խնձորով շոկոլադապատ կարկանդակ
Բաղադրիչներ
- Խմորի համար՝
- ձու - 3 հատ
- շաքարավազ - 150 գր
- կաթ - 150 մլ + 2 ճ/գդ
- բուսայուղ - 120 գր
- ալյուր - 300 գր
- փխրեցուցիչ - 2 թ/գդ
- կակաո - 2 ճ/գդ
- խնձոր - 2-3 հատ
- Կրեմի համար՝
- կաթ - 400 մլ
- շաքարավազ - 120 գր
- ալյուր - 70 գր
- վանիլին - 10 գր
- կարագ - 150 գր
- Ջնարակի համար՝
- շոկոլադ սև - 150 գր
- սերուցք մինչև 20% յուղայնությամբ - 100 մլ
- կարագ - 50 գր
Քայլերի հաջորդականություն
- Ձվերը շաքարավազի հետ 3-5 րոպե հարում ենք։
- Ավելացնում ենք բուսայուղն ու 150մլ կաթը, մի քիչ հարում ենք։
- Փխրեցուցիչը խառնում ենք ալյուրի հետ, ավելացնում ենք զանգվածին և թեթևակի հարում ենք, որ ալյուրը տարածվի։
- Խմորի կեսը լցնում ենք այլ ամանի մեջ, ավելացնում ենք կակաոն և 2 ճ/գդ կաթը և հարում ենք, մինչև կակաոն լավ խառնվի։
- Ձևամանը բուսայուղով պատում ենք (25x25սմ) և լցնում ենք սպիտակ գույնի խմորը։
- Վրայից հավասարապես լցնում ենք մուգ գույնի խմորը և անհրաժեշտության դեպքում հավասարեցնում ենք։
- Խնձորները կեղևազրկում ենք, սերմերը հանում ենք, կտորների ենք բաժանում, շարում ենք խմորի վրա և մատներով խմորի մեջ ենք խրում։
- Կարկանդակը տեղափոխում ենք մինչև 180 աստիճան տաքացրած ջեռոցի մեջ և 20-30 րոպե թխում ենք։ Փայտիկով փորձում ենք, եթե այն խմորի միջից չոր է դուրս գալիս, ուրեմն կարկանդակը պատրաստ է։ Պետք է ուշադիր լինենք, որ այն չչորանա։
Պատրաստի կարկանդակն ամբողջությամբ սառեցնում ենք։
- Կրեմի բոլոր բաղադրիչները, կարագից բացի, դնում ենք հաստ տակով կաթսայի մեջ, թիակով լավ խառնում ենք, որպեսզի ալյուրը հավասարապես տարածվի (ալյուրը սառը կաթի մեջ լավ է լուծվում)։
- Միջին ուժեղության կրակի վրա անընդհատ խառնելով եփում ենք, մինչև լավ թանձրանա։ Պատրաստի կրեմը ամբողջությամբ սառեցնում ենք։
- Փափկեցրած կարագը մի քիչ հարում ենք։
- Եփովի կրեմը մաս առ մաս ավելացնում ենք կարագին` յուրաքանչյուր լցնելուց հետո լավ խառնելով։
- Ահա այսպիսի կրեմ ենք ստանում։
- Կրեմը տարածում ենք թխվածքի վրա և հավասարեցնում ենք։
- Պատրաստում ենք ջնարակը։
Շոկոլադը կտրատում ենք և լցնում ամանի մեջ։ Սերուցքն ու կարագը լավ տաքացնում ենք (պետք է կարագը հալվի, բայց զանգվածը պետք չէ եռացնել)։ Շոկոլադի վրա ենք լցնում տաք սերուցքը և անմիջապես ակտիվ խառնում ենք։ Սկզբում կարող է թվալ, թե զանգվածը միասեռ չէ, բայց շարունակում ենք ակտիվ խառնել, մինչև զանգվածը համասեռ, թանձր և փայլուն դառնա։
Եթե ջնարակը շատ ջրիկ է, որոշ ժամանակով տեղափոխում ենք սառնարանը, որպեսզի թանձրանա։
- Ջնարակը հավասարապես լցնում ենք կրեմի վրա։ Կարող ենք թիակով ալիքներ նկարել ջնարակի վրա, որպեսզի ալիքները ոչ միայն ներսից լինեն, այլև արտաքինից։
- Կարկանդակը առնվազն 2 ժամով սառնարանն ենք տեղափոխում, որպեսզի կրեմն ու ջնարակը պնդանան։
- Կարող ենք կտրատել և մատուցել։
Խնձորի փոխարեն կարող ենք թարմ կամ սառեցված հատապտուղներ լցնել, օրինակ, բալ, ելակ կամ այլ խոշոր հատապտուղներ (սառեցված հատապտուղները նախապես չենք հալեցնում) 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Խորհուրդ եմ տալիս պատրաստել այս թխվածքը, շատ հաջող է ստացվում:
Շատ ուրախ ենք, որ Ձեզ դուր է գալիս 🙂
Վաաայ, էս ինչ համովն էէէր…. Վայ ապրեք դուք, պարոն Շեֆ Խոհարար ջաաաան..
Սիրելի Վերիկ, շատ ուրախ ենք, որ Ձեզ դուր է եկել։ Շնորհակալ ենք մեր աշխատանքը գնահատելու համար։ ։)