- Yield: 6 ժամ անց
- Prep Time: 40 minutes
- Cook Time: 60 minutes
Խոզի բուդ ծիրանաջեմի մարինադով
Բաղադրիչներ
- միս խոզի - 2կգ 200 գր(բուդ)
- կոնյակ - 1 ճ/գդ
- ջեմ ծիրանի - 100գր
- դափնու տերև (лавровый лист) - 2-3 հատ
- սոխ - 1 հատ
- գազար - 2 հատ
- նեխուր - 1 հատ
- մեխակ - ըստ ճաշակի
- պղպեղ սև հատիկավոր - ըստ ճաշակի
Քայլերի հաջորդականություն
- Խոզի բուդը 24 ժամով դնում ենք աղաջրի մեջ (1լ ջրին 1 ճ/գդ աղ)։ Շատ կարևոր է աղաջրի մեջ թողնել, քանի որ հետո խոզի բուդը եփելու ենք առանց աղի։ 12 ժամ հետո ջուրը փոխում ենք։ Եթե սառնարանում տեղ կա, տեղավորում ենք, եթե ոչ կարող ենք դուրսը թողնել։
Եթե խոզի բուդը կոկիկ տեսք ունի կարող ենք թելով չկապել, եթե ոչ, պետք է թելով կապենք, որ համապատասխան ձև ընդունի։
Գազարը, սոխն ու նեխուրը լվանում ենք, մաքրում և խոշոր կտրատում։ Միսը դնում ենք կաթսայի մեջ, վրան եռման ջուր լցնում և ավելացնում բանջարեղենն ու դափնու տերևը։ Այնուհետև դնում ենք կրակի վրա։ Եռալուց հետո ավելացնում ենք պղպեղը։ Միսը եփելու տևողությունը կախված է նրա քաշից (1կգ միսը եփում ենք 1 ժամ). օրինակ 2,200 կգ քաշով բուդը եփում ենք 2,5 ժամ թույլ կրակի վրա։ Նշված ժամանակահատվածից հետո կստանանք շատ լավ արգանակ։ Բանջարեղենը հանում ենք և միսը գրեթե պատրաստ է։ Արգանակը կարող ենք պահել սառցարանում (ապուր կամ բորշչ պատրաստելիս պետք կգա)։
- Միսը դնում ենք տապակի կամ ձևամանի մեջ, այնուհետև հեռացնում ենք կաշին` ենթամաշկային բարակ ճարպային շերտի հետ միասին։ Այնուհետև մնացած նուրբ ճարպը հեշտությամբ երկայնքով ցանցատիպ քառակուսիների ենք բաժանում։ Ծիրանաջեմը խառնում ենք կոնյակի հետ և առատորեն պատում խոզի բուդը այդ օշարակով։
Իսկ այժմ, ստացված քառակուսիներից յուրաքանչյուրի մեջ 1 հատ մեխակ ենք դնում և տեղափոխում 1 ժամով 180 աստիճան տաքացրած ջեռոցի մեջ։
- Պատրաստի բուդը հանում ենք ջեռոցից, թողնում ենք որ սառչի, կտրատում ենք ու մատուցում:
Խոզի բուդը որպես ուտեստ շատ հարմար է, քանի որ այն կարելի է պատրաստել տոնական օրվանից մի քանի օր առաջ։ Չնայած այն պատրաստելը երկար է տևում` շատ չեք հոգնի։ Ծիրանաջեմի փոխարեն կարող եք համեմել ցանկացած տեսակի համեմունքով 🙂
Ձեզ կարող է հետաքրքրել նաև
Թողնել պատասխան
Մուտք եղեք:
isk inchpes texadrel mer patrastac@
Նինա ջան, եթե Դուք ցանկանում եք պարզապես կիսվել Ձեր բաղադրատոմսով, ապա անհրաժեշտ է մուտք գործել մեր ֆորում, ահա անցեք այս հղումով http://www.cooks.am/forums/ :
Գրանցվել ֆորումում, դառնալ օգտատեր, ապա տեղադրել այնտեղ Ձեր ցանկացած բաղադրատոմս իրենց նկարներով:
Իսկ եթե խոսքը մրցույթի մասին է, ապա անհրաժեշտ է մուտք գործել մեր ֆորում, ահա անցեք այս հղումով http://www.cooks.am/forums/ :
Գրանցվել ֆորումում, դառնալ օգտատեր, ապա նկարել Ձեր պատրաստած ցանկացած ԱՄԱՆՈՐՅԱ մսային ուտեստը (խոզի միս, բուդ, հնդկահավ, հավ, տավարի միս) կողքի հատվածում ԹՂԹԵ փոքրիկ ”cooks.am” գրվածքով և մինչև հունվարի 19-ը ժամը 23.59 լուսանկարը պատրաստման բաղադրատոմսի հետ ուղարկել forum@cooks.am էլ. հասցեին:
Ուղարկվող նամակի մեջ հարկավոր է նաև նշել՝
պատրաստված ԱՄԱՆՈՐՅԱ մսային ուտեստի անունը և պատրաստման բաղադրատոմսը,
այն անունը և էլ.հասցեն, որով գրանցված եք Ֆորումում,
կոնտակտային որևէ հեռախոսահամար հարցերի դեպքում Ձեզ հետ կապ հաստատելու համար:
Կայքի ադմինիստրացիան կտեղադրի Ձեր ուղարկած լուսանկարը կայքում, որից հետո կկազմակերպվի ինտերնետ քվեարկություն 22.01.2016թ — 27.01.2016թ ընկած ժամանակահատվածում և առավելագույն միավորներ ստացած մասնակիցը կշահի 6 հոգու համար նախատեսված չեխական “Bohemia” ապրանքանիշի ափսեների 2 հավաքածու ՝ համապատասխանաբար 22սմ և 27սմ անկյունագծով: