- Yield: 2 ժամ անց
- Prep Time: 20 minutes
- Cook Time: 50 minutes
Կաթնաշոռով տորթ
Բաղադրիչներ
- Խմորի համար՝
- կաթնաշոռ - 400 գր
- շաքարավազ - 1 բաժակ
- ձվի դեղնուց - 4 հատ
- սոդա - 2 թ/գդ
- ալյուր - 2,5-3 բաժակ
- հյութ կիտրոնի - 1 ճ/գդ
- Կրեմի համար՝
- ձվի սպիտակուց - 4 հատ
- շաքարավազ - 1 բաժակ
- օսլա (крахмал) եգիպտացորենի - 1 ճ/գդ
- կաթ - 900 մլ
- կարագ - 300 գր (սենյակային ջերմաստիճանի)
- վանիլին - 1 թ/գդ
- ալյուր - 2 ճ/գդ
Քայլերի հաջորդականություն
- Պատրաստում ենք խմորը։ Կաթնաշոռը (պետք է յուղոտ տնական կաթնաշոռ վերցնել) շաքարավազի հետ տրորում ենք։ Եթե կաթնաշոռը չոր է, ցանկալի է մաղով անցկացնել։ Կաթնաշոռային զանգվածի մեջ ենք ավելացնում դեղնուցները և կիտրոնահյութով հանգեցրած սոդան։
- Զանգվածը սենյակային ջերմաստիճանում 20-30 րոպե թողնում ենք, որպեսզի չափերով 2-3 անգամ ավելանա։ Ալյուրը ոչ մեծ բաժիններով ավելացնում ենք կաթնաշոռային զանգվածի մեջ, յուրաքանչյուր անգամ լցնելուց հետո լավ խառնում ենք։
- Այնքան ենք ալյուր ավելացնում, մինչև ենթարկվող և ձեռքերին չկպչող խմոր ստանանք։
- Խմորը դնում ենք ալրապատ սեղանի վրա և 10-12 հավասար մասերի ենք բաժանում։
- Խմորի յուրաքանչյուր մասը գրտնակում ենք բարակ կլոր շերտերով։ Շերտերը թխում ենք նախապես մինչև 180 աստիճան տաքացրած ջեռոցի մեջ։ Պետք է ուշադիր լինել, քանի որ շերտերը բարակ են, մի քանի րոպեում թխվում են։
- Պատրաստում ենք կրեմը։ Սպիտակուցները շաքարավազի և վանիլինի հետ հարում ենք։ Ավելացնում ենք ալյուր և օսլա (օսլան նախապես սառը կաթի մեջ թրջում ենք, որպեսզի գնդիկներ չմնան)։ Կաթը եռացնում ենք, անընդհատ խառնելով ավելացնում ենք սպիտակուցները, և եփովի կրեմ ենք պատրաստում։ Սառեցնում ենք (որքան օսլան կամ ալյուրը շատ լինի, այնքան կրեմն ավելի թանձր կլինի։ Կրեմի թանձրությունն ու քաղցրությունը` ըստ ճաշակի)։ Այնուհետև մեծ ամանի մեջ ենք լցնում սենյակային ջերմաստիճանի կարագը և հարիչով հարում ենք մինչև փքուն զանգված ստանանք։ Անընդհատ խառնելով գդալ առ գդալ ավելացնում ենք սառած եփովի կրեմը։ Կրեմը հարում ենք մինչև համասեռ դառնա։
Շերտերը կրեմով պատում ենք և դնում իրար վրա:Ապա կրեմով ենք պատում տորթի վերևամասն ու կողքերը և ձևավորում ենք ըստ ցանկության:
Կաթնաշոռով տորթը զարդարում ենք մանրացված թխվածքաբլիթներով կամ ընկույզով։ Կարող ենք վերևամասը վարսակի փաթիլներով ձևավորել, իսկ կողքերը` ընկույզով։ Ընկույզով շատ ավելի համեղ է։ Կարող ենք նաև դարչինի տաշեղ, նարինջ և աստղաձև անիսոն ավելացնել 🙂
Ձեզ կարող է հետաքրքրել նաև
Թողնել պատասխան
Մուտք եղեք:
uouououououo