Կիտրոնով պաղպաղակ
Բաղադրիչներ
- սերուցք 30-35% յուղայնությամբ - 550 գր
- շաքարավազ - 150 գր
- հյութ կիտրոնի - 70 մլ
- ձվի դեղնուց - 3 հատ
- վանիլային շաքար - 1 թ/գ
Քայլերի հաջորդականություն
- Կիտրոնի կեղևը քերիչով անցկացնում ենք։ Կիտրոնի հյութը քամում ենք։
- Առանձին տարայի մեջ լցնում ենք դեղնուցները, կիտրոնի կեղևն ու հյութը և սովորական ու վանիլային շաքարավազները։
- Լավ խառնում ենք, որպեսզի կիտրոնի բույրը տարածվի։
- Ստացված զանգվածը մաղով անցկացնում ենք, լցնում ենք կաթսայի մեջ ու դնում ենք կրակի վրա։
- Ժամանակ առ ժամանակ խառնելով՝ եփում ենք այնքան, մինչև պնդանա։ Այնուհետև հանում ենք կրակի վրայից ու թողնում ենք, որ սառչի։
- Սերուցքը հարում ենք այնքան, որ վերածվի պինդ զանգվածի։
- Ավելացնում ենք կիտրոնի զանգվածն ու զգուշորեն խառնում ենք։ Արդյունքում կրեմը պնդանում է, որից հետո 2-4 ժամ պահում ենք սառցախցիկում։
- Այնուհետև սառած զանգվածը լցնում ենք առանձին տարայի մեջ վերջնական սառեցման համար։
- Մատուցելուց 5-7 րոպե առաջ հանում ենք սառնարանից ու զարդարում ենք ըստ ցանկության։
Կիտրոնի պաղպաղակն ունի սերուցքի համ, կիտրոնի նուրբ, բայց շատ հաճելի համ։
Դիմակայենք շոգին համեղ պաղպաղակներով։
Ձեզ կարող է հետաքրքրել նաև
Թողնել պատասխան
Մուտք եղեք:
Բարև ձեզ։Սերուցքը որն՞ է կամ կարելի է ինչ-որ բանով այն փոխարինել