Նշված բաղադրիչներից 45 հատ կոնֆետ է ստացվում։

1. Գետնանուշի կարագը, շաքարի փոշին և սենյակային ջերմաստիճանի կարագը լցնում ենք ամանի մեջ։
   
2. Թիակով խառնում ենք մինչև համասեռ դառնա։
   
3. Զանգվածը լցնում ենք հրուշակեղենային պարկի մեջ։
   Այժմ զբաղվում ենք շոկոլադով։ Այն պետք է լավ տեմպերացնենք, որպեսզի կոնֆետերի հալչեն, ոչ թե ձեռքի մեջ, այլ բերանում։ Փորձենք ինքներս շոկոլադը տեմպերացնել։ Տեմպերացման էությունն այն է, որ շոկոլադը տաքանում է մինչև 50 աստիճան, այնուհետև արագորեն մինչև 26-28 աստիճան սառչում է և կրկին մինչև 31-33 աստիճան տաքանում։ Դա օգնում է, որպեսզի շոկոլադի մեջ ստաբիլ պղպջակների առաջացմանը, որի շնորհիվ շոկոլադը ձեռքերի մեջ չի հալչում։ Տեմպերացման ամենահեշտ եղանակը։
   Շոկոլադը մանր կտրատում ենք և 1/3 մասը առանձնացնում։ Մնացած շոկոլադը գոլորշու վրա կամ միկրոալիքային վառարանում հալեցնում ենք։ Շոկոլադը պետք է մինչև 50 աստիճան տաքանա։ Հալեցված շոկոլադի մեջ ենք լցնում առանձնացրած շոկոլադը։
   
4. Խառնում ենք մինչև հալվի։ Ավելացրած շոկոլադը զագվածի ջերմաստիճանը մինչև 30 աստիճան կիջեցնի։ Այնուհետև զանգվածն ամանով կարող ենք դնել սառը ջրով և մի քանի կտոր սառույցով լի ամանի վրա և սառեցնել մինչև անհրաժեշտ 26-28 աստիճանը։ Բայց այս դեպքում արդեն զանգվածը պետք է թիակով ակտիվորեն խառնել, որպեսզի այն ամանի պատերին չկպնի և սառի։
   
5. Շոկոլադը կրկին միչև 31-33 աստիճան տաքացնում ենք` գոլորշու վրա կամ միկրոալիքային վառարանում։
   Ձևամանի մեջ մի քիչ շոկոլադ ենք լցնում և փայտիկով տարածում ձևամանի եզրերով։
   
6. 7-10 րոպեով տեղափոխում ենք սառնարանը։ Հանում ենք և յուրաքանչյուր ձևամանի մեջ հրուշակեղենային պարկիկով գետնանուշային միջուկ ենք լցնում, բայց այնպես, որ այն ձևամանի կողքերին չկպնի։
   
7. Եթե զանգվածը չափազանց ձիգ է (դա կախված է գետնանուշի կարագի թանձրությունից), ապա կարող ենք գնդիկներ ձևավորել և դնել կոնֆետների մեջ։
   Միջուկի վրա ենք լցնում մնացած շոկոլադը։ Կոնֆետների երեսը հավասարեցնելու համար, կոնֆետը վերցնում ենք և 2-3 սմ բարձրությունից գցում սեղանի վրա։ Դրանից շոկոլադը կհարթանա։
   
8. Կոնֆետները 10-15 րոպեով տեղափոխում ենք սառնարանը։ Վերջ, կարող ենք դրանք ուտել կամ նվիրել: