Կորեկաձավարով և դդումով ուտեստ

Կարդալ հետո

Շատերիս մանկությունից ծանոթ շիլա՝ դդմով և կորեկաձավարով: Իհարկե, ամենքն իր ձևով է պատրաստում: Ներկայացնում ենք Ձեզ մեր տարբերակը՝ չամիչով և դարչինով: Դդումը կեղևազատում ենք և սերմերը հանում, այնուհետև միջին կտորներով կտրատում: Կաթը լցնում ենք կաթսայի մեջ և հասցնում ենք եռման աստիճանի: Այնուհետև ավելացնում ենք դդումը և 5-10 րոպե եփում ենք:
Ավելացնում ենք աղը, շաքարավազը և դարչինը: Հետո լցնում ենք լվացած կորեկաձավարը, խառնում ենք և 15-20 րոպե եփում:
Կրակի տակն անջատում ենք, ավելացնում ենք լվացած չամիչն ու խառնում ենք:
Շիլան լցնում ենք ձևամանի կամ փոքրիկ հրակայուն ամանների մեջ: Վրան ենք լցնում ենք շերտերով կտրատած կարագը: Կափարիչով կիպ ծածկում ենք (եթե կափարիչ չկա, ապա փայլաթիթեղով ենք կիպ ծածկում): Տեղափոխում ենք մինչև 180 աստիճան տաքացրած ջեռոցի մեջ և 30 րոպե եփում ենք:
Պատրաստ է: