- Yield: 1 ժամ անց
- Prep Time: 30 minutes
- Cook Time: 15 minutes
Հազրեվարդով թխվածքաբլիթ
Բաղադրիչներ
- կարագ - 230 գր
- շաքարավազ - 150 գր
- ձու - 1 հատ
- ձվի սպիտակուց - 1 հատ
- ալյուր - 400-450 գր
- վանիլին - 1 թ/գդ
- հազրեվարդ (розмарин) - 3-4 ճյուղ (թարմ)
- Զարդարելու համար՝
- շաքարավազ - 100 գր
- սննդի գունանյութ - 1 կաթիլ (կանաչ)
Քայլերի հաջորդականություն
- Հազրեվարդի տերևները ցողունից առանձնացնում ենք և մանր կտրատում:
- Կարագն ու շաքարավազը հարում ենք մինչև կրեմանման դառնալը:
- Ավելացնում ենք վանիլինը, ձուն ու սպիտակուցը և կրկին հարում: Այս ամենից հետո ավելացնում ենք ալյուրն ու հազրեվարդը և խառնում: Ստացվում է ոչ շատ պինդ, ոչ շատ փափուկ խմոր:
- Խմորին 3 սմ հաստությամբ գլանի տեսք ենք տալիս և փաթաթում թաղանթի մեջ:
- 30-40 րոպեով տեղափոխում ենք սառցախցիկ, որպեսզի պնդանա: Քանի դեռ խմորը սառում է, պատրաստում ենք զարդարանքը: Շաքարավազը լցնում ենք տոպրակի մեջ և վրան կաթեցնում սննդի գունանյութը:
- Շաքարավազը տոպրակի մեջ տրորում ենք այնքան, մինչև հավասարաչափ գունավորվի:
- Սառած խմորից պոկում ենք թաղանթը և խմորն ամուր սեղմելով՝ թաթախում գունավոր շաքարավազի մեջ:
- Խմորից 7-8 մմ հաստությամբ շերտեր ենք կտրում և դնում ձևամանի մեջ:
- Այնուհետև դնում ենք նախապես 180 աստիճան տաքացրած ջեռոցի մեջ և թխում 10-12 րոպե:
Ահա և վերջ:
Ստացվում է շատ պարզ, հասարակ ու համեղ թխվածքաբլիթ , որը հարմար է թե՛ թեյի, թե՛ սուրճի սեղանի համար 🙂
Ձեզ կարող է հետաքրքրել նաև
Թողնել պատասխան
Մուտք եղեք:
GUYN@ karox e torti linel
Բարև Ձեզ Միլենա ջան: Այո, իհարկե, գունանյութ օգտագործելու դեպքում նման արդյունք կարող եք ստանալ 🙂