Չափաբաժինները` 6

1. Ձևամանի մեջն ու կողքերը կարագով պատում ենք, այնուհետև վրան ալյուր ենք ցանում։ Ձևամանի մեջը յուղաթուղթ ենք դնում։ Եթե ձևամանը տեֆլոնից է, ապա յուղաթուղթ դնելու կարիք չկա։
   Պատրաստում ենք  բիսկվիթը.
   Ամանի մեջ ենք լցնում ալյուրը, փխրեցուցիչը, սոդան և աղը։
   Նարնջի հյութը լցնում ենք կաթսայի մեջ և հասցնում ենք եռման աստիճանի, կրակից վերցնում ենք, ավելացնում ենք 85 գր շոկոլադը և խառնիչով խառնում ենք մինչև շոկոլադն ամբողջությամբ լուծվի։ Թողնում ենք սենյակային ջերմաստիճանում սառչի։
2. Մեծ ամանի մեջ ենք լցնում կարագը, շաքարավազն ու նարնջի կեղևը և սկսում ենք հարել։ Հատ առ հատ ավելացնում ենք ձվերը, յուրաքանչյուրից հետո լավ խառնելով։ Ավելացնում ենք թթվասերը, վանիլինը և նարնջի հյութով շոկոլադը։ Հարում ենք մինչև համասեռ զանգված ստանանք։ Ավելացնում ենք ալյուրը և թիակով լավ խառնում ենք։ Խմորը պետք է հարած սերուցքի կազմության լինի։
   Խմորը լցնում ենք ձևամանի մեջ, թեթևակի ձևամանով սեղանին հարվածում ենք և թիակով վերևամասը հավասարեցնում։ Այնուհետև տեղափոխում ենք մինչև 180 աստիճան տաքացրած ջեռոցի մեջ։ Թխում ենք մոտ 30-35 րոպե, մինչև փայտիկը խմորի միջից չոր դուրս գա։ Թողնում ենք ձևամանի մեջ սառչի։ Բիսկվիթը կարող է թեթևակի ճաքել, բայց դա խնդիր չէ։
   Քանի դեռ բիսկվիթը սառում է զբաղվենք միջուկով և ջնարակով։
   
3. Լոռամրգին բլենդերի մեջ մանրացնում ենք։ Այնուհետև լցնում ենք կաթսայի մեջ, ավելացնում ենք ջուրը և դնում կրակի վրա, այնուհետև շաքարավազ ենք ավելացնում։
   Պատրաստում ենք ջնարակը.
   Սերուցքը լցնում ենք կաթսայի մեջ, հասցնում ենք եռման աստիճանի, կրակի վրայից վերցնում ենք և ավելացնում շոկոլադը։ Թիակով խառնում ենք մինչև շոկոլադն ամբողջությամբ լուծվի և թանձր ու փայլուն զանգված ստանանք։ Թողնում ենք սառչի։
   
4. Սկսում ենք տորթը դասավորել.
   Բիսկվիթը շրջում ենք հակառակ երեսի վրա և յուղաթուղթը հանում ենք։ Բիսկվիթը 2 շերտի ենք բաժանում։
   
5. Ջնարակի 1/3 մասը քսում ենք ներքևի շերտի վրա և հարթեցնում ենք։ Վրան ենք դնում լոռամրգիով միջուկը և տարածում ենք շերտի ողջ մակերեսով։ Ծածկում ենք երկրորդ շերտով։
6. Վրան ենք լցնում մնացած ջնարակը և ըստ ցանկության ձևավորում ենք։ Առնվազն 2 ժամով տեղափոխում ենք սառնարանը։