Մսով ռուլետ շերտավոր խմորի մեջ
Բաղադրիչներ
- միս տավարի - 250 գր
- միս խոզի - 250 գր
- ձու - 2 հատ
- սոխ - 1 գլուխ
- պաքսիմատ - 50 գր
- պանիր պարմեզան - 30 գր
- լոլիկ - 80 գր
- ռեհան չորացրած - 0.5 թ/գ
- աղ - 1 թ/գ
- աղացած սև պղպեղ - ըստ ճաշակի
- շերտավոր խմոր - 250 գր
Քայլերի հաջորդականություն
- Ջեռոցը տաքացնում ենք (180 աստիճան), իսկ ձևամանը պատում ենք յուղաթղթով:
Առանձին տարայի մեջ լցնում ենք աղացած միսը, 1 ձուն, քերիչով անցկացրած սոխը, պաքսիմատը, քերած պանիրը, կտրատած չորացրած լոլիկը, ռեհանը, աղն ու պղպեղը: Ստացվում է հյութալի զանգված:
- Ստացված զանգվածը ձեռքերի օգնությամբ վերածում ենք երշիկի և դնում ենք շերտավոր խմորի կենտրոնում:
- Խմորի եզրերը վրա ենք բերում և ամրացնում ենք:
- Ռուլետը հակառակ կողմով (կարը դեպի ներքև) դնում ենք ձևամանի մեջ, վրան շեղ կտրվածքներ ենք անում, պատում ենք հարած ձվով և քունջութով:
- Թխում ենք 35-40 րոպե մինչև վարդագույն դառնա: Ռուլետը ջեռոցից հանում ենք, թողնում ենք 5 րոպե հանգստանա, ապա կտրատում ու մատուցում ենք տաք վիճակում:
Մոտենում է բոլորիս ամենասիրելի տոներից մեկը` Նոր տարին, որին սկսում ենք պատրաստվել դեռ մեկ ամիս առաջ: Փնտրում ենք նոր ու համեղ բաղադրատոմսեր մտերիմներին ու հյուրերին զարմացնելու համար: Ահա շատ համեղ ռուլետի բաղադրատոմս, որը շատ հեշտ է պատրաստվում և ունի շատ գեղեցիկ ու տոնական տեսք:
Թողնել պատասխան
Մուտք եղեք: