Շամպինիոնով լցոնած կարտոֆիլ

Կարդալ հետո

Կարտոֆիլը զգուշորեն լվանում ու չորացնում ենք, ապա փայլաթիթեղով փաթաթում ու դնում ենք ձևամանի մեջ։ Եփում ենք 1,5 ժամ 200 աստիճան տաքացրած ջեռոցում։
Պանիրն անցկացնում ենք քերիչով։
Խոզապուխտը բաժանում ենք մանր խորանարդիկների։
Շամպինիոնը մանր կտրատում ու տապակում ենք բուսայուղով լի տապակի մեջ։
Առանձին տարայի մեջ լցնում ենք պանիրը, խոզապուխտը, սունկը, ավելացնում ենք մայոնեզն ու զգուշորեն խառնում ենք։ Ստացված միջուկը պահում ենք սառնարանում։
Պատրաստ լինելուց հետո կարտոֆիլը հանում ենք ջեռոցից։
Կարտոֆիլը կիսում ենք երկու հավասար մասերի, կարագապատում ենք։
Այնուհետև կարտոֆիլը լցոնում ենք միջուկով ու մատուցում ենք։