- Yield: Անմիջապես
- Prep Time: 10 minutes
- Cook Time: 10 minutes
Շոկոլադե գանաշ
Գանաշ պատրաստելու բազմաթիվ եղանակներ կան, բայց սկզբունքը մեկն է. սերուցքը խառնում ենք շոկոլադի հետ՝ խիտ ու շոկոլադով հագեցած զանգված ստանալու համար, որն օգտագործվում է ջնարակների, տորթերի ու աղանդերների, տրյուֆելների արտադրության ու զարդարանքի համար:
Բաղադրիչներ
- ձվի դեղնուց - 1 հատ
- շաքարավազ - 30 գր
- վանիլին - 2 գր
- շոկոլադ սև - 200 գր
- սերուցք 30-35% յուղայնությամբ - 120 մլ
Քայլերի հաջորդականություն
- Դեղնուցները շաքարավազի ու վանիլինի հետ հարում ենք մինչև սպիտակ ու փափուկ զանգվածի վերածվելը:
- Շոկոլադը կոտրատում ենք, լցնում կաթսայի մեջ, ավելացնում սերուցքը: Անընդհատ խառնելով տաքացնում ենք մինչև 65 աստիճան: Տաք խառնուրդը զգուշությամբ խառնում ենք դեղնուցների հետ (ուշադիր ենք լինում, որ դեղնուցները չմակարդվեն): Խառնում ենք մոտ մեկ րոպե. այդ ընթացքում շաքարավազը պետք է ամբողջությամբ լուծվի: Տեղափոխում ենք սառնարան:
- Գանաշը պատրաստ է, այն կարելի է օգտագործել ըստ անհրաժեշտության:
Գանաշ պատրաստելու համար սովորաբար սերուցքի ու շոկոլադի հարաբերակցությունը լինում է 2:1, սակայն օգտագործման նպատակից կախված՝ այն կարող է փոփոխվել: Շոկոլադի մեջ կակաոյի տոկոսը նույնպես կարող է ազդեցություն ունենալ. որքան մեծ է կակաոյի տոկոսը, այնքան քիչ շոկոլադ է անհրաժեշտ խիտ զանգված ստանալու համար 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Շատ լավ է.
Սիրելի Սիլվա, շատ ուրախ ենք, որ Ձեզ դուր է եկել։ ։)