Չափաբաժինները` 6-8

1. Դդմի խյուս պատրաստելու համար, դդումը խորանարդներով կտրատում ենք և գոլորշու վրա կամ ջեռոցում 12 րոպե շոգեխաշում ենք։ Այնուհետև սառեցնում ենք և բլենդերով խյուս ենք պատրաստում։ Խյուսի վրա ենք լցնում ձվերը, շաքարավազը, նարնջի մանրացված կեղևը և կաթը։ Խմորի մեջ մաղած ալյուր ենք լցնում, ավելացնում ենք աղը և խառնիչով հարում։ Ավելացնում ենք նարնջի լիկյորը, բուսայուղը, կրկին խառնում ենք։ Նրբաբլիթների խմորը պատրաստ է։ Խմորը լցնում ենք թավայի մեջ և նրբաբլիթները երկու կողմից տապակում ենք։ 13 սմ տրամագծով մոտ 10 հատ նրբաբլիթ է ստացվում։ Եթե նրբաբլիթները նույնաչափ չեն, ապա կարող ենք դրանք կտրել և հավասարեցնել։ Հավասարեցնելու համար ավելի հարմար է նրբաբլիթներն իրար վրա շարել, այնուհետև կտրել։
   
2. Կրեմը պատրաստելու համար դդումը կրկին գոլորշու վրա կամ ջեռոցում եփում ենք, բլենդերի մեջ մանրացնում ենք և մանր մաղով անցկացնում։ Այնուհետև խյուսի մեջ ենք լցնում կտրատած շոկոլադը և կաթսան դնում ենք գոլորշու վրա, որպեսզի շոկոլադը հալչի։ Կրեմը սառեցնում ենք։
   
3. Նրբաբլիթները պատում ենք կրեմով։ Մի քիչ կրեմ ենք առանձնացնում, որպեսզի տորթերի կողքերն էլ կրեմով ձևավորենք։
   Տորթը նարինջներով կամ ըստ ճաշակի ձևավորում ենք և 3-4 ժամով տեղափոխում ենք սառնարանը։ Կարող ենք նարինջներով ձևավորել, իսկ մատուցելուց` վրան կարամել քսել։ Կարամելապատում ենք մատուցելուց անմիջապես առաջ, այլապես կարամելը կհալչի։ Բարի ախորժակ։