Նշված բաղադրիչներից 12-14 հատ կեքս է ստացվում։

1. Կակաոյի փոշու վրա եռացրած ջուր ենք լցնում և խառնում ենք մինչև համասեռ դառնա։ Դնում ենք մի կողմ։
   
2. Կարագն ու շաքարավազը լցնում ենք կաթսայի մեջ և դնում ենք կրակի վրա։ Խառնելով եփում ենք մինչև կարագը հալվի։
   
3. Զանգվածը լցնում ենք հարիչի բաժակի մեջ և սկսում ենք հարել. մոտ 5 րոպե հարում ենք, որպեսզի զանգվածը սենյակային ջերմաստիճանի դառնա։ Հատ առ հատ ավելացնում ենք ձվերը` յուրաքանչյուրից հետո լավ հարում ենք։
   
4. Ավելացնում ենք վանիլինը և կակաոյով խառնուրդը, հարում ենք մինչև համասեռ դառնա։
   
5. Ալյուրը, աղը, փխրեցուցիչն ու սոդան մաղում ենք և թթվասերի հետ հաջորդաբար (լցնում ենք ալյուրի մի մասը, թթվասերի մի մասը, լցնում ենք ալյուրի մի մասը, թթվասերի մի մասը և եզրափակում ենք ալյուրով) ավելացնում ենք դեղնուցա-շոկոլադային խառնուրդի մեջ։
   
6. Լցնում ենք յուղապատ ձևամանների մեջ. խմորը ձևամանի 3/4 չափով պետք է լինի (եթե թղթե ձևամաններ են, յուղով պատելու կարիք չկա)։ Դնում ենք մինչև 180 աստիճան տաքացրած ջեռոցի մեջ և մոտ 20-25 րոպե թխում ենք (փայտիկով փորձում ենք, եթե այն խմորի միջից չոր է դուրս գալիս, ուրեմն պատրաստ է)։
   Ջեռոցից հանում ենք և թողնում ենք սառչի։
   Պատրաստում ենք կրեմը։ Շոկոլադը գոլորշու վրա կամ միկրոալիքային վառարանում հալեցնում ենք։
   
7. Ավելացնում ենք կակաոյի փոշին և շաքարի փոշին։
   
8. Փափկած կարագն ու մասկարպոնեն հարում ենք մինչև համասեռ դառնա։ Ավելացնում ենք կակաոյով զանգվածն ու շոկոլադը, ևս մեկ անգամ խառնում ենք։
   
9. Կրեմը լցնում ենք ձևավոր գլխադիրով հրուշակեղենային պարկի մեջ և սառած կեքսերը ձևավորում ենք։ Ցանկության դեպքում, վրան շոկոլադե քերուկ ենք ցանում։