Չափաբաժինները` 12

1. Սերուցքը, կաթը, ձուն, շաքարավազը, ալյուրը, խմորիչն ու աղը լցնում ենք խոհանոցային կոմբայնի մեջ և խառնում ենք։ 15 րոպե հարում ենք մինչև խմորը համասեռ դառնա։ 15 րոպեից խմորը խոնավ սրբիչով ծածկում ենք և 1 ժամով դնում ենք տաք տեղ, որպեսզի այն հասունանա և 1,5 անգամ չափերով ավելանա։ Խմորը հանգստանալուց հետո 5 րոպե ևս հունցում ենք, որպեսզի օդի պղպջակներից ազատվենք։
   Խմորը դնում ենք ալրապատ աշխատանքային սեղանի վրա և 12 հավասար մասերի ենք բաժանում։ Յուրաքանչյուրը ուղղանկյունաձև (մոտավորապես 20x10 չափի ) գրտնակում ենք։ Վրան դարչին, չամիչ և շաքարավազ ենք ցանում։
   
2. Ռոլի տեսքով փաթաթում ենք:
   
3. Մեջտեղից երկարությամբ կտրում ենք, բայց ոչ մինչև վերջ։
   
4. Ծայրերը ոլորում ենք:
   
5. Ոլորած՝ վարդի տեսքով տեղափոխում ենք տապակի մեջ։
   
6. Բուլկիները սրբիչով ծածկում ենք և 1 ժամ թողնում ենք, որպեսզի չափերով ավելանա։
   Ջեռոցը մինչև 180 աստիճան տաքացնում ենք։ Բուլկիների վրա վրձնով ձվով խառնուրդ ենք քսում և 13-15 րոպե թխում ենք։
   
7. Պատրաստում ենք օշարակը: Շաքարավազը լցնում ենք կաթսայի մեջ ավելացնում ենք ջուրը և դնում թույլ կրակի վրա ու եփում մինչև շաքարավազը լուծվի ջրում:
   Թխված տաք բուլկիների վրա օշարակ ենք քսում։
   Բարի ախորժակ։