Բաղադրիչները նախատեսված են 24x24 չափի քառակուսաձև կամ 21-23 սմ տրամագծով կլոր ձևամանի հաշվարկով։

1. Շոկոլադը հալեցնում ենք գոլորշու վրա կամ միկրոալիքային վառարանում։
   
2. Հիմքի համար, բոլոր թխվածքաբլիթները փշրում ենք, ավելացնում ենք կարագն ու խառնում ենք։ Եթե ձևամանը հանվող չէ, ապա յուղաթղթով պատում ենք։ Թխվածքաբլիթի փշրանքները լցնում ենք յուղաթղթապատ տապակի մեջ և հավասարապես տարածում ենք։
   
3. Ձևամանը տեղափոխում ենք մինչև 160 աստիճան տաքացրած ջեռոցի մեջ և մոտ 10 րոպե թխում ենք։ Հանում ենք ջեռոցից և թողնում ենք սառչի։ Ջեռոցը չենք անջատում։ Հիմքը թխվելու ընթացքում, մասկարպոնեն շաքարի փոշու հետ խառնիչով հարում ենք` մինչև միասեռ դառնա։ Ձուն հատ առ հատ ավելացնում ենք ` յուրաքանչոյւրից հետո լավ խառնելով։ Ավելացնում ենք վանիլինը և շոկոլադը, լավ խառնում ենք։
   
4. Միջուկը դնում ենք թխվածքաբլիթով հիմքի վրա և տեղափոխում ենք ջեռոցը։ Մոտ 40-45 րոպե թխում ենք, մինչ միջուկը պատրաստ լինի (գդալով ձևամանի կողքին հարվածում ենք, պատրաստի միջուկը  պետք է միայն մեջտեղի հատվածում թրթռա)։ Չիզքեյքը սառեցնում ենք հասցնում սենյակային ջերմաստիճանի, այնուհետև առնվազն 4 ժամով տեղափոխում ենք սառնարանը։
   Պատրասոտւմ ենք ժելեով շերտը։ Ժելատինի վրա սառը ջուր ենք լցնում  և թողնում ենք ուռչի (սովորաբար, ժամանակը տուփի վրա նշված է լինում)։
   
5. Սառեցված ելակը սենյակային ջերմաստիճանի ենք բերում, վրան շաքարավազ ենք լցնում և բլենդերով խյուսի վերածում։
   
6. Ուռած ժելատինը դնում ենք թույլ կրակի վրա  և անընհատ խառնում ենք մինչև լուծվի։ Չենք եռացնում։ Ժելատինը թողնում ենք 5 րոպե սառչի, ավելացնում ենք 2 ճ/գդ ելակի խյուսը և ինտենսիվորեն խառնում ենք։ Ավելացնում ենք ելակի մնացած խյուսն ու խառնում ենք։ Ժելեն լցնում ենք չիզքեյքի վրա, տեղափոխում ենք սառնարանը, որպեսզի այն ամբողջությամբ սառչի (մոտ 2 ժամ)։ Պատրաստի չիզքեյքը զգուշորեն ձևամանից հանում ենք և տեղափոխում ամանի վրա։ Մատուցում ենք։ Նշենք, որ ժելեի շերտը կարելի է փոխարինել պատրաստի ժելեով: