Չափաբաժինները` 6

1. Սոխը մանր կտրատում ենք։ Հավը կտորների ենք բաժանում, կարտոֆիլը խոշոր կտրատում ենք։ Թավայի մեջ ուժեղ կրակի վրա 2 ճ/գդ բուսայուղ ենք տաքացնում։ Հավը տապակում ենք մինչև բոլոր կողմերից ոսկեգույն երանգ ստանա։
   
2. Տեղափոխում ենք ամանի մեջ։
   Կաթսայի մեջ 1 ճ/գդ բուսայուղ ենք տաքացնում։ Լցնում ենք սոխն ու մոտ 4 րոպե անընդհատ խառնելով տապակում ենք` մինչև կիսաթափանցիկ դառնա։
   
3. Ավելացնում ենք տապակած հավը, ուրցը, խոշոր կտրատած սխտորը։ Վրան ջուր կամ արգանակ ենք լցնում այնպես, որ ջուրը գրեթե ամբողջությամբ զանգվածը ծածկի։ Կրակի տակն իջեցնում ենք և փակ կափարիչով 15-20 րոպե շոգեխաշում ենք։
   
4. Ավելացնում ենք կարտոֆիլն ու աղը, շոգեխաշում ենք մինչև կարտոֆիլը եփվի։
   
5. Ուտեստն ամբողջությամբ պատրաստ լինելուց 5 րոպե առաջ թթվասեր ենք ավելացնում և մի քանի րոպե տաքացնում ենք։
   Բարի ախորժակ։