Սկումբրիա կիտրոնով

Կարդալ հետո

Եթե սկումբրիան սառեցված է, ապա սենյակային ջերմաստիճանի ենք բերում։ Մաքրում ենք, խռիկները հանում և ներսից ու դրսից լավ լվանում։ Աղ և պղպեղ ենք անում` ներսից և դրսից։ Սկումբրիայի վրա 3 տեղից կտրվածք ենք անում և յուրաքանչյուր անցքի մեջ կիսաշրջանաձև կտրած կիտրոն դնում։
Պատրաստում ենք միջուկը։ Մաղադանոսի տերևները ցողուններից առանձնացնում ենք և մանր կտրատում։ Սխտորը նույնպես մանր կտրատում ենք։ Մաղադանոսը, սխտորը, բուսայուղը և 1/2 կիտրոնից ստացված հյութը լցնում ենք ամանի մեջ։ Մի քիչ աղ և պղպեղ ենք անում և խառնում։
Ձուկը դնում ենք փայլաթիթեղի վրա և միջուկով լցոնում ենք։
Սկումբրիան փայլաթիթեղով ծածկում ենք և դնում տապակի վրա։ Տեղափոխում ենք մինչև 180 աստիճան տաքացրած ջեռոցի մեջ և 30 րոպե եփում ենք, այնուհետև փայլաթիթեղը բացում ենք և 5-10 րոպե այդ վիճակում եփում։
Ջեռոցում եփված սկումբրիան համեղ է թե տաք, թե սառը վիճակում։