Նախատեսված է 20x20 չափի ձևամանի համար։
Չափաբաժինները` 6

1. Պատրաստում ենք օշարակը.
   Սուրճը եփում ենք, ավելացնում ենք շաքարավազն ու ամարետտոն։
   Պատրաստում ենք սրճային բիսկվիթ:
   Ջեռոցը տաքացնում ենք մինչև 180 աստիճան։ Եփում ենք 30 մլ սուրճը, ավելացնում ենք 9 գր լուծվող սուրճը։ Լավ խառնում ենք։ Սառեցնում ենք։ Ձվի դեղնուցները պատառաքաղով թեթևակի հարում ենք։ Ալյուրը մաղում ենք։
   Ձվի սպիտակուցները հարում ենք, աստիճանաբար ավելացնում ենք շաքարավազը և հարում ենք մինչև պինդ փրփուր ստանանք (8-15 րոպե)։ Զգուշորեն ավելացնում ենք դեղնուցները և հարում ենք մինչև թանձր, սպիտակ և փքուն զանգված ստանանք։
   Զգուշորեն ավելացնում ենք սուրճը։ Թիակով խառնում ենք, այնուհետև ավելացնում ենք մաղած ալյուրը։ Զգուշորեն թիակով խառնում ենք` մինչև բոլոր բաղադրիչները խառնվեն իրար։ Խմորը դնում ենք յուղաթղթի վրա և 2 շերտի ենք բաժանում։ Հավասարեցնում ենք։ Թխում ենք 10-15 րոպե։ Պատրաստի բիսկվիթը սառեցնում ենք։ Այնուհետև քառակուսաձև ձևամանով կտրում ենք։
2. Պատրաստում ենք մասկարպոնեով մուսսը.
   Դեղնուցները շաքարավազի հետ մի քիչ հարում ենք, բարակ շիթով ավելացնում ենք 45 մլ տաք սուրճը, խառնում ենք և դնում թույլ կրակի կամ գոլորշու վրա։ Եփում ենք մինչև թանձրանա։ Չենք եռացնում։ Սառեցնում ենք։
   
3. Մասկարպոնեն հարում ենք:
   
4. 2-3 անգամով ավելացնում ենք եփովի կրեմը։ Միջին արագության վրա հարում ենք մինչև թանձրանա։ Երկար չենք հարում։
   
5. Սերուցքը հարում ենք մինչև փրփրի, այնուհետև զգուշորեն 2 անգամով ավելացնում ենք կրեմի մեջ` թիակով խառնելով։
   
6. Դասավորում ենք տորթը
   Բիսկվիթը ձևամանով կտրատում ենք։ Ձևամանի մեջ սննդային փաթեթ ենք դնում (եթե իհարկե ձևամանով չենք մատուցելու տիրամիսուն)։
   Բիսկվիթը դնում ենք ձևամանի մեջ։ Սրճային օշարակով ներծծում ենք։
   Մասկարպոնեով կրեմի մի մասը լցնում ենք բիսկվիթի վրա, հավասարեցնում ենք։ Վրան դառը շոկոլադ ենք լցնում։
   Երկրորդ բիսկվիթը օշարակով ներծծում ենք, այնուհետև լցնում ենք մասկարպոնեով կրեմը, հավասարեցնում ենք կամ հրուշակեղենային պարկով նախշեր ենք անում։
   Թխվածքը տեղափոխում ենք սառնարանը (կարելի է գիշերը սառնարանում թողնել)։ Սառնարանից հանում ենք և կակաոյի փոշի ենք ցանում վրան։