- Yield: 3-4 ժամ անց
- Prep Time: 35 minutes
- Cook Time: 10 minutes
Տորթ Թռչնի կաթ
Բաղադրիչներ
- Շերտերի համար՝
- կարագ - 100 գր
- շաքարավազ - 100 գր
- ձու - 2 հատ
- ալյուր - 140 գր
- վանիլին - 1/2 թ/գդ
- Սուֆլեի համար՝
- ձվի սպիտակուց - 2 հատ
- շաքարավազ - 460 գր
- աղ կիտրոնի - 1/2 թ/գդ
- ագար-ագար - 2 թ/գդ` ոչ լիքը
- կարագ - 200 գր
- խտացրած կաթ - 100 գր
- վանիլին - 1/2 թ/գդ
- Ջնարակի համար՝
- շոկոլադ սև - 75 գր
- կարագ - 50 գր
Քայլերի հաջորդականություն
Չափաբաժինները` 6
- Պատրաստում ենք շերտերը. կարագը շաքարավազի հետ հարում ենք, ավելացնում ենք ձվերը, վանիլինն ու հարում ենք մինչև զանգվածը սպիտակի և շաքարավազը լուծվի։
Ավելացնում ենք ալյուրն ու խմոր ենք հունցում։ Խմորը 2 մասի ենք բաժանում և ձևամանի տրամագծով յուղաթղթերի վրա շրջանաձև տարածում ենք։ Թխում ենք 10 րոպե մինչև 230 աստիճան տաքացրած ջեռոցի մեջ։ Եթե շերտերը մեծ են, անմիջապես կտրում ենք։ Սառեցնում ենք, որից հետո յուղաթուղթը հանում ենք։ Սառած շերտը դնում ենք ձևամանի մեջ և սկսում ենք սուֆլեն պատրաստել։
- Ագարը 140 մլ ջրի մեջ ենք լցնում և մի քանի ժամ թողնում ենք։
Կրեմի համար նախատեսված կարագն ու խտացրած կաթը պետք է սենյակային ջերմաստիճանի լինեն։ Կարագն ու խտացրած կաթը հարում ենք, ավելացնում ենք վանիլինը և որոշ ժամանակով հանգիստ ենք թողնում։ Ագարով կաթսան դնում ենք թույլ կրակի վրա, հասցնում ենք եռման աստիճանի և անընդհատ խառնում ենք, որպեսզի ագարը լուծվի։ 1 րոպե եռացնում ենք, այնուհետև ավելացնում ենք շաքարավազը։ Դնում ենք միջին ուժեղության կրակի վրա։ Անընհատ խառնելով` հասցնում ենք եռման աստիճանի։ Երբ օշարակը չափերով ավելանա և սպիտակ փրփուր հայտնվի, կրակի վրայից կվերցնենք։
- Թիակը օշարակից պոկում ենք, եթե թիակի հետևից թելի հետագիծ մնա, նշանակում է օշարակը պատրաստ է։ Օշարակը մինչև 80 աստիճան սառեցնում ենք։
- Այդ ընթացքում սառած սպիտակուցները հարում ենք, մինչև մակերևույթին կայուն պատկեր առաջանա։ Ավելացնում ենք կիտրոնի աղը և հարում ենք մինչև խտանա։
Սպիտակուցների մեջ ենք լցնում օշարակը` բարակ շիթով։ Զանգվածը չափերով ահագին ավելանում է։
- Հարում ենք մինչև խտանա։ Հարիչի արագությունն իջեցնում ենք և ավելացնում ենք կարագով և խտացրած կաթով զանգվածը։ Երբ այդ ամենը խառնվի, սուֆլեն պատրաստ է։
- Սուֆլեի կեսը լցնում ենք շերտի վրա (շերտը ձևամանի մեջ է)։ Վրան դնում ենք երկրորդ շերտը, որի վրան սուֆլեի մյուս կեսն ենք լցնում։ 3-4 ժամով տեղափոխում ենք սառնարանը։
- Շոկոլադն ու կարագը հալեցնում ենք և ջնարակը լցնում ենք տորթի վրա։ Թողնում ենք սառչի։ Անհրաժեշտության դեպքում կարող ենք վրան նախշեր անել։ Դանակով տորթի եզրերով անցկացնում ենք և ձևամանը բացում։
- Պատրաստ է։
Ի դեպ, մեր կայքում «Թռչնի կաթ» տորթի շատ բաղադրատոմսեր կան, խորհուրդ ենք տալիս անդրադառնալ նաև դրանց 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Ինչ Է ագար-ագարը…
Ագար-ագարի մասին կարող եք կարդալ այստեղ՝
http://www.cooks.am/ingredients/%D5%A1%D5%A3%D5%A1%D6%80-%D5%A1%D5%A3%D5%A1%D6%80/
Sireli Shef Xoharar tvyal xmorexeni mej agar agar@ inchqan jelatinov kareli e poxarinel……?
Հարգելի Լիլիթ, այս բաղադրատոմսերում ագար-ագարը կարելի է փոխարինել ժելատինով՝ 1:3 կամ 1:4 հարաբերությամբ:
shat hamex stacvec
Հարգելի Ալիսա, ուրախ ենք, որ հավանել եք 🙂
sireli Sef Xoharar xndrumem patasxaneq trchni kati mech parunakvox agar=agarn inche naxapes snorhakalutyun
Բարև Ձեզ, ագարը դոնդողաստեղծ նյութ է, ահա այստեղ կարող եք կարդալ առավել մանրամասն՝
http://www.cooks.am/ingredients/%D5%A1%D5%A3%D5%A1%D6%80-%D5%A1%D5%A3%D5%A1%D6%80/
Բարև Ձեզ, խնդրում եմ կասեք խմորը ինչ խտության պետք է լինի (մոտավոր)։
Բարև Ձեզ, խմորը չպետք է շատ խիտ լինի, քանի որ թխվելուց հետո այն չոր կլինի: Ցանկալի է միջին խտության լինի, որպեսզի տորթը օդեղեն ու փափուկ լինի 🙂
isk incqan jelatin ipetk ays torti hamar agari poxaren
Բարև Ձեզ Քնքուշ ջան, նույն քանակությամբ ժելատին պետք է օգտագործեք 🙂
isk incqan jamanak petke jelatinn mna jri mej isk taq te sar jur
Shat qaxcr er u limoni axi Hamnel galis er