Տորթ «Հրաշք»
Բաղադրիչներ
- Խմորի համար՝
- ալյուր - 250 գր
- կարագ - 150 գր
- շաքարի փոշի - 50 գր
- ձվի դեղնուց - 3 հատ
- փխրեցուցիչ - 0.5 թ/գ
- Միջուկի համար՝
- բանան - 6-8 հատ
- անանաս - 150 գր
- ժելատին - 400 մլ
- Կրեմի համար՝
- սերուցք 30-35% յուղայնությամբ - 400 գր
- կաթնաշոռ - 150 գր
- շաքարի փոշի - 60 գր
- վանիլային շաքար - 10 գր
- Բեզեի համար՝
- ձվի սպիտակուց - 3 հատ
- շաքարի փոշի - 120 գր
- օսլա (крахмал) - 10 գր
- շոկոլադ սև - 50 գր
Քայլերի հաջորդականություն
- Խմորը պատրաստելու համար ալյուրն ու փխրեցուցիչը խառնում ենք, ապա ավելացնում ենք խորանարդաձև կտրատած կարագը և հարում ենք:
- Ավելացնում ենք շաքարի փոշին, ձվի դեղնուցներն ու շարունակում ենք հարել:
- Ձեռքերի օգնությամբ փորձում ենք ստանալ խմորագունդ:
- Խմորը դնում ենք յուղաթղթապատ ձևամանի մեջ և 10-12 րոպե սառեցնում ենք սառնարանում:
- Այնուհետև 15-20 րոպե եփում ենք 180 աստիճան տաքացրած ջեռոցում:
- Պատրաստում ենք բեզեն, որի համար անհրաժեշտ շոկոլադը հալեցնում ենք: Ապա հարում ենք սպիտակուցները՝ աստիճանաբար ավելացնելով շաքարի փոշին: Հարում ենք 7-15 րոպե՝ կախված հարիչի տեսակից: Ապա ավելացնում ենք օսլան ու շարունակում ենք հարել:
- Ավելացնում ենք շոկոլադն ու թեթևակի խառնում ենք:
- Յուղաթղթի վրա նկարում ենք քառակուսի, ապա շրջում ենք մյուս կողմի վրա, լցնում ենք ստացված սպիտակուցային զանգվածն ու հավասարապես տարածում:
- Եփում ենք 120 աստիճան տաքացրած ջեռոցում 1-2 ժամ:
- Պատրաստում ենք կիտրոնի դոնդողը՝ ըստ փաթեթի վրա նշված բաղադրատոմսի: Ապա թողնում ենք սառնարանում, որպեսզի պնդանա:
- Բանանն ու անանասը դնում ենք խմորաշերտի վրա: Եթե բանանները փոքր են, կարելի է ամբողջական դնել, եթե ոչ, ապա կտրատել:
- Վրան լցնում ենք դոնդողը, ապա սառեցնում ենք սառնարանում:
- Պատրաստում ենք կրեմը, որի համար անհրաժեշտ սերուցքը հարում ենք՝ աստիճանաբար ավելացնելով շաքարի փոշին ու վանիլային շաքարը:
- Ավելացնում ենք կաթնաշոռն ու ևս մի քանի րոպե հարում ենք: Ստացված կերմային զանգվածը լցնում ենք դոնդողի վրա ու հավասարեցնում:
- Բեզեն զգուշորեն հանում ենք յուղաթղթի վրայից, դնում ենք կրեմի վրա, թեթև սեղմում ենք ու նորից դնում ենք սառնարանը:
- Ահա պատրաստ է մեր համեղ, թեթև ու շատ գեղեցիկ տորթը:
Ձեզ կարող է հետաքրքրել նաև
Թողնել պատասխան
Մուտք եղեք:
Բարև Ձեզ, մի հարց, եթե ես օգտագործեմ պահածոյացված անանաս, կլինի????? Նախապես Շնորհակալ եմ եմ:
Բարև Ձեզ, սիրելի Թամարա, կարող եք օգտագործել նաև պահածոյացված անանաս: 🙂
և մի բան էլ, խմորի տարայի չափը կգրե՞ք:
Սիրելի Թամարա, կարող եք վերցնել (25×25 սմ չափի) ձևաման և նույնիսկ ավելի մեծ, քանի որ տորթը բավականին մեծ է ստացվում: 🙂