- Yield: 1-2 ժամ անց
- Prep Time: 40 minutes
- Cook Time: 50 minutes
Տրյուֆելային տորթ սպիտակ շոկոլադով
Բաղադրիչներ
- Մուգ շոկոլադե մուսսով շերտի համար՝
- շոկոլադ սև - 220 գր (դառը)
- կարագ - 220 գր
- շաքարավազ - 1 բաժակ
- ձու - 6 հատ
- կակաո - 1/2 բաժակ
- վանիլին - 1 թ/գդ
- աղ - 1 թ/գդ
- սուրճ լուծվող - 1 ճ/գդ
- Սպիտակ շոկոլադե մուսսով շերտի համար՝
- շոկոլադ սպիտակ - 165 գր
- փխրեցուցիչ - 1 թ/գդ
- կարագ - 3 ճ/գդ
- ձվի դեղնուց - 4 հատ
- շաքարավազ - 2 ճ/գդ
- վանիլին - 1 թ/գդ
- սերուցք 30-35% յուղայնությամբ - 1,5 բաժակ + 2 ճ/գդ
Քայլերի հաջորդականություն
- Չափաբաժինները` 6-8:
Պատրաստում ենք մուգ շոկոլադե մուսսով շերտը: Ջեռոցը տաքացնում ենք մինչև 175 աստիճան և ձևամանի մեջ յուղաթուղթ դնում: Կարագը հալեցնում ենք, ավելացնում շոկոլադի կտորները և խառնում ենք մինչև շոկոլադը լուծվի։
Սուրճը լուծում ենք տաք ջրում, ավելացնում ենք վանիլինն ու աղը, որից հետո այդ զանգվածը լցնում ենք շոկոլադով խառնուրդի մեջ։ Ձվերն ու շաքարավազը լցնում ենք մեկ այլ ամանի մեջ և հարում մոտ 5 րոպե, որպեսզի զանգվածը 2 անգամ ավելանա։
Ավելացնում ենք կակաոն և խառնում այնքան, մինչև համասեռ զանգված ստանանք։ Ձվով զանգվածն ու շոկոլադասրճային զանգվածները խառնում ենք իրար, խմորը լցնում ձևամանի մեջ և թխում 50 րոպե։
- Պատրաստում ենք սպիտակ շոկոլադե մուսսով շերտը: Սպիտակ շոկոլադը կտրատում ենք և կարագի ու փխրեցուցիչի հետ խառնում։ 30 վայրկյանով դնում ենք միկրոալիքային վառարանի մեջ (ընթացքում մի քանի անգամ խառնում ենք)։ Այդ ընթացքում ձվի դեղնուցներն ու շաքարավազը լցնում ենք հրակայուն ամանի մեջ և հարում։
Զանգվածը դնում ենք գոլորշու վրա և մոտ 5 րոպե թողնում, որպեսզի թանձրանա, այնուհետև վերցնում ենք կրակից, ավելացնում վանիլինն ու սպիտակ շոկոլադով խառնուրդը, ինչից հետո 2 ճ/գդ սերուցք ենք ավելացնում և խառնում մինչև ստանանք միասեռ զանգված, որը հասցնում սենյակային ջերմաստիճանի։
Մնացած 1,5 բաժակ սերուցքը հարում ենք մինչև ստանանք պինդ փրփուր: Սերուցքի 1/3 բաժակը լցնում ենք շոկոլադով խառնուրդի մեջ, ինչից հետո ավելացնում նաև մնացած սերուցքը։
- Մուսսը լցնում ենք սառած հիմքի վրա և 1 ժամով դնում ենք սառնարանի մեջ։ Ահա և վերջ:
- Բարի ախորժակ:
Ահա և պատրաստ է, կարող ենք սպիտակ շոկոլադով տորթի վրա կակաոյի փոշի ցանել և մատուցել 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Կրեմի մեջ փխրեցուցիչ պետք չի, ինտերնետում բաղադրատոմսը սխալ է, որովհետև ի սկզբանե անգլերենից սխալ է թարգմանվել: Կրեմի համար շորթենինգ է պետք կամ որևէ յուղ,որը սենյակային ջերմաստիճանում չի հալվում, կարող եք կոկոսի յուղ վերցնել, դա նրա համար է, որ կրեմը լավ ստացվի և ամուր մնա: Իսկ ընդհանրապես տորթը շաաաաատ համով է, շատ նուրբ համ ունի: