Ստացվում է 25-30 հատ փքաբլիթ

1. Խմորիչը ջրի մեջ լուծում ենք, ավելացնում ենք ձուն և լավ խառնում ենք։ Ավելացնում ենք ալյուրը, շաքարավազն ու աղը, փայտե գդալով խառնում ենք, մինչև ալյուրը ամբողջությամբ խոնավանա։
   Ավելացնում ենք կարագն ու գդալով բավական փափուկ խմոր ենք հունցում։ Խմորը ծրարի տեսքով 4 կողմից ծալում ենք։ Խմորով ամանը կափարիչով կամ սննդային թաղանթով ծածկում ենք և 20 րոպեով հանգիստ ենք թողնում, ժամանակը լրանալուն պես խմորը կրկին 4 կողմից ծալում ենք։ 1 ժամվա ընթացքում այս գործընթացը (20 րոպեն մեկ ծալում ենք) 3 անգամ կրկնում ենք։ Խմորը 1 ժամ հանգիստ ենք թողնում, որպեսզի հասունանա։ Ընդհանուր առմամբ, խմորը սենյակային ջերմաստիճանում պետք է 2 ժամ հասունանա։ Խմորը տեղափոխում ենք բուսայուղով կամ կարագով պատված պոլիէթիլենային տոպրակի մեջ, կապում ենք, բայց այնպես, որ խմորը չափերով մեծանալու տեղ ունենա, այնուհետև 24-48 ժամով տեղափախում ենք սառնարանը։
2. Փքաբլիթները պատրաստելուց առաջ խմորը սառնարանից հանում ենք, ձեռքերը բուսայուղի մեջ թաթախում ենք և խմորը 30-35 գր (ընկույզի չափով) կտորների ենք բաժանում, գնդիկներ ենք պատրաստում, յուղապատ սննդային փաթեթով ծածկում ենք և 30 րոպե հանգիստ ենք թողնում։
   
3. Մինչև խմորը հանգստանում է, բուսայուղով թավան դնում ենք միջին ուժեղության կրակի վրա և տաքացնում ենք մինչև 170-180 աստիճան։ Բուսայուղը բավականաչափ տաքացել է, եթե չոր փայտիկով բուսայուղի մեջ անցկացնելուց հետո, փայտիկի շուրջը մանր պղպջակներ են գոյանում։
   Գնդիկների մեջտեղի հատվածում մատով անցք ենք բացում և ցուցամատերով խմորը ձգում ենք այնպես, որ շրջան դառնա։ Անցքը պետք է մեծ լինի, քանի որ տապակելու ընթացքում այն սեղմվելու է։
   
4. Խմորը լցնում ենք բուսայուղի մեջ և տապակում ենք սկզբից մի կողմից, այնուհետև մյուս` մինչև երկու կողմերն էլ ոսկեգույն դառնան։
   
5. Պատրաստի փքաբլիթները փայտիկով բուսայուղի միջից հանում ենք և տեղափոխում թղթե սրբիչների վրա, որպեսզի ավելորդ յուղը դուրս գա միջից։ Վրան շաքարի փոշի ենք ցանում։