Բաղադրիչները նախատեսված են 21-23 սմ տրամագծով ձևամանի հաշվարկով։

1. Պատրաստում ենք բիսկվիթը։ Սենյակային ջերմաստիճանի կարագը շաքարավազի կեսի հետ հարում ենք `մինչև կրեմանման զանգված ստանանք։ Ավելացնում ենք ձվի դեղնուցները և կրկին հարում ենք։
   
2. Սպիտակուցները շաքարավազի մյուս կեսի հետ հարում ենք մինչև մերենգա ստանանք։
   
3. Շոկոլադը գոլորշու վրա հալեցնում ենք և ավելացնում ենք կարագա-դեղնուցային խառնուրդին։
   
4. Հարում ենք։
   
5. Շոկոլադային խառնուրդի մեջ ենք լցնում մերենգան, վրան ենք լցնում մաղած ալյուրը։
   
6. Զգուշորեն, վերից վար շարժումներով, խառնում ենք մինչև համասեռ զանգված ստանանք։
   
7. Խմորը լցնում ենք յուղաթղթով պատված ձևամանի մեջ և տեղափոխում ենք մինչև 180 աստիճան տաքացրած ջեռոցի մեջ։ Թխում ենք 30 րոպե կամ ավելի` կախված ջեռոցից։ Ջեռոցից հանում ենք, 15 րոպե թողնում ենք, այնուհետև բիսկվիթը հանում ենք ձևամանից և ամբողջությամբ սառեցնում։
   Պատրաստում ենք ջնարակը։ Շոկոլադը մանր կտրատում ենք, վրան սերուցք ենք լցնում, դնում ենք կրակի վրա և հասցնում ենք եռման աստիճանի։ Լավ խառնում ենք, որպեսզի շոկոլադի կտորները հալչեն։ Ջնարակը, սենյակային ջերմաստիճանում, 15 րոպե հանգիստ ենք թողնում։
   
8. Սառած բիսկվիթը 2 մասի ենք կիսում։ Շերտերի վրա ծիրանաջեմ ենք քսում և ջնարակապատում։
   Մի քանի ժամով տեղափոխում ենք սառնարանը։
   Մատուցում ենք հարած սերուցքի հետ։