Նշված բաղադրիչները նախատեսված են 4 չափաբաժնի համար։

1. 200 գր դդումը խոշոր խորանարդիկներով կտրատում ենք, վրան ջուր ենք լցնում, մի քիչ աղ ենք անում և եփում մինչև պատրաստ լինի։ Ջուրը թափում ենք և դդումը խյուսի վերածում։ Մնացած դդումը և ապխտած փափկամիսը (բեկոն) մանր խորանարդներով կտրատում ենք։ Սոխն ու սխտորը մանրացնում ենք։
   Թավայի մեջ բուսայուղ ենք լցնում և միջին ուժեղության կրակի վրա տաքացնում։ Ավելացնում ենք սոխն ու խառնելով 3-4 րոպե տապակում ենք։
   
2. Այնուհետև ավելացնում ենք ապխտած փափկամիսն  (բեկոն) ու կտրատած դդումը, խառնում ենք և ևս 5-7 րոպե եփում ենք, մինչև դդումը փափկի։
   
3. Դդմի խյուսն ու սերուցքն ավելացնում ենք սոխով զանգվածին, հասցնում ենք եռման աստիճանի և թույլ կրակի վրա մոտ 1 րոպե եփում ենք, մինչև զանգվածը թանձրանա։ Ըստ ճաշակի աղ և պղպեղ ենք անում։
   
4. Այդ ընթացքում խաշում ենք սպագետտին։ Այնուհետև սպագետտին խառնում ենք սոուսի հետ և կարող ենք արդեն լցնել ամանների մեջ ու մատուցել։ Ըստ ցանկության վրան քերած պարմեզան ենք լցնում, կամ ցանկացած տեսակի պինդ պանիր։