- Prep Time: 50 minutes
- Cook Time: 60 minutes
Խնձորի քացախ
Բաղադրիչներ
- խնձոր - 1 կգ
- ջուր - 1,25 լ
- մեղր - 125 գր (կամ շաքարավազ)
- շաքարավազ - 100 գր (յուրաքանչյուր 1 լ հեղուկի համար)
- հաց սպիտակ - 50 գր (տարեկանի)
Քայլերի հաջորդականություն
- Խնձորը պետք է լինի հասուն, քաղցր, քանի որ դրանից է կախված պատրաստի քացախի համն ու հոտը: Պտուղներն առանց լվանալու (եթե շատ կեղտոտ են, պետք է թեթևակի ցայել) մանր կտրատում ենք կամ քերում:
- Խնձորները լցնում ենք բանկայի մեջ, ավելացնում հացը, լցնում սենյակային ջերմաստիճանի ջրով լուծած մեղրը կամ շաքարավազը:
- Բոլոր բաղադրիչները լցնելուց հետո բանկայում դեռ տեղ պետք է մնա, քանի որ խմորման ընթացքում զանգվածը բարձրանում է: Բանկան մի քանի տակ ծալված մարլայայով ծածկում ու կապում ենք: Սա անում ենք նրա համար, որ բանկայի մեջ օդ անցնի:
Այն դնում ենք 20-30 աստիճան ջերմություն ունեցող մութ տեղում, քանի որ արևի ճառագայթները խոչընդոտում են խմորմանը:
Հաջորդ 10-14 օրվա ընթացքում օրական 2-3 անգամ խառնում ենք ապագա քացախը, որպեսզի խմորումը հավասարաչափ ընթանա, և բորբոս չառաջանա:
10-14 օր անց քացախը քամում ենք, մզում և հեղուկը ֆիլտրում:
Ստացված հեղուկը չափում ենք, ավելացնում մեղր կամ շաքարավազ՝ յուրաքանչյուր լիտրին 100 գրամ հաշվով: Խառնում ենք մինչև լուծվելը, լցնում տարայի մեջ՝ մի քիչ ազատ տեղ թողնելով: 40-60 օրվա ընթացքում պասիվ խմորման փուլն է, և արդեն խառնելու կարիք չկա: Տարան ծածկում ենք մարլյայով դնում մութ տեղում:
Հեղուկը սկսում է խմորվել, սկզբում մակերևույթին փրփուր է առաջանում, հետո անհետանում, իսկ ավելի ուշ նստվածք է գոյանում, և քացախը դառնում է թափանցիկ:
- Երբ քացախը թափանցիկ է դառնում, նշանակում է՝ պատրաստ է:
Ոմանք խորհուրդ են տալիս քացախը լցնելն ուրիշ տարայի մեջ և նորից թողնել, որ նստվածք տա: Այս դեպքում քացախն ավելի մաքուր է լինում:
Ցանկալի է քացախը պահել 8-10 աստիճանում:
- Խաղողի քացախը նույնպես պատրաստվում է այս եղանակով:
Մի քիչ համբերություն, և արդյունքում ստացանք համեղ խնձորի քացախ 🙂
Ձեզ կարող է հետաքրքրել նաև
Թողնել պատասխան
Մուտք եղեք:
“filtrel “kmaneamasneq, vor xndrem ?
“filtrel “kmanramasneq, vor xndrem ?
Սիրելի Ռուզաննա, հեղուկն անցկացնում ենք 5-6 շերտ ծալած թանզիֆով։ ։)