Շաուրմա

Կարդալ հետո
Նյութի հղումը ուղարկվել է ձեր էլ․ հասցեին։
Դաշտի լրացումը պարտադիր է։
Տեղի է ունեցել սխալ։ Փորձել կրկին։
Շաուրմա
Շաուրմա
  • Yield: Անմիջապես
  • Prep Time: 15 minutes
  • Cook Time: 10 minutes
Print

Շաուրմա

By 29/10/2016

Շաուրման մեզ է հասել արևելքից, այն երբեմն տարբեր անուններով են կոչում, սակայն բաղադրությունը նույնն է. բարակ լավաշ, որի մեջ փաթաթում են տապակած միս, համեմունքներ և թարմ բանջարեղենային սալաթ:

Բաղադրիչներ

Քայլերի հաջորդականություն

  1. Հավի մսից ոսկրերն առանձնացնում ենք և մանր կտրատում: Եթե բդիկներ չկան, կարելի է վերցնել նաև կրծքամիս կամ այլ հատված: Պարզապես բդիկն ամենահյութալին է:
    shaurma-1
  2. Ավելացնում ենք բուսայուղը, լավ աղ ու պղպեղ ցանում և ավելացնում համեմունքները: Գդալով լավ խառնում ենք ու թողնում 20-40 րոպե, որ մարինացվի:
    shaurma-2
  3. Պատրաստում ենք սոուսը: Կաթսայի մեջ լցնում ենք թթվասերը, կեֆիրը, մանրացրած սխտորը, գինու քացախը, աղը և պղպեղը (եթե գինու քացախ չկա, կարելի է վերցնել խնձորի քացախ կամ մի քիչ կիտրոնահյութ):
    shaurma-3
  4. Լավ խառնում ենք: Սոուսի խտությունը կարելի է կարգավորել թթվասերի ու կեֆիրի հարաբերակցությամբ: Սոուսը պետք է բավական խիտ լինի, բայց թեթևակի ծորա:
    shaurma-4
  5. Կաղամբը շատ մանր կտրատում ենք, ավելացնում մի քիչ մանրացրած մաղադանոս, աղ ցանում ու ձեռքերով լավ տրորում, որպեսզի կաղամբը փափկի: Ի դեպ, կարելի է օգտագործել պեկինյան կաղամբ, որը տրորելու կարիք չկա: Ցանկության դեպքում կարելի է ավելացնել կտրատած սոխ:
    shaurma-5
  6. Վարունգն ու լոլիկը երկար, ձողաձև բարակ կտրատում ենք:
    shaurma-6
  7. Թավայի մեջ մի քիչ բուսայուղ ենք տաքացնում, միսը դնում մեջն ու անընդհատ խառնելով տապակում 4-6 րոպե (կափարիչը չենք ծածկում, իսկ կրակը միջինից ուժգին պետք է լինի):
    shaurma-7
  8. Շաուրման հավաքում ենք: Լավաշը բացում ենք, առատ սոուս քսում վրան՝ եզրերից խուսափելով: Աջ եզրից մոտ 7-8 սմ դեպի ներս շարում ենք վարունգն ու լոլիկները:
    shaurma-8
  9. Վրայից մի քիչ կաղամբ ենք լցնում:
    shaurma-9
  10. Վրան դնում ենք միսը և սոուս լցնում: Ցանկության դեպքում կարելի է ավելացնել երկրորդ սոուսը՝ կետչուպ կամ լոլիկի սոուս:
    shaurma-10
  11. Ներքևի ու վերևի ծայրը ծալում ենք:
    shaurma-11
  12. Մի պտույտ փաթաթում ենք՝ միջուկը թեթևակի սեղմելով:
    shaurma-12
  13. Պիրկ ռուլետի նման փաթաթում ենք:
    shaurma-13
  14. Շաուրման լավ տաքացրած չոր թավայի մեջ ամեն կողմից 15-20 վայրկյան տապակում ենք:
    shaurma-14
  15. Կարելի է մատուցել:
    shaurma-15

Այսուամենայնիվ, շաուրմա պատրաստելու դասական բաղադրատոմս գոյություն չունի, և իմպրովիզներ անելու հարցում ազատ եք 🙂

Ձեզ կարող է հետաքրքրել նաև

Մեկնաբանություններ

Թողնել պատասխան

Մուտք եղեք:

Leave a Reply

Your email address will not be published. Required fields are marked *