Մանդարինով կեքս

Կարդալ հետո

Չրերը եռացնում ու չորացնում ենք, այնուհետև ավելացնում ենք կոնյակն ու այդպես թողնում 1 ժամ։ Մանդարինները կեղևազրկում ենք, մասերի բաժանում և նույնպես թողնում 1 ժամ։
Տապակի մեջ լցնում ենք 20 գր կարագ, 1 ճ/գդ շաքարավազ և հալեցնում, ավելացնում ենք մանդարինները և 2 րոպե տապակում։ Մանդարինները դատարկում ենք ամանի մեջ և նույն թավայի մեջ տապակում չրերը, մինչև կոնյակն ամբողջությամբ գոլորշիանա։
130 գր կարագը լավ հարում ենք 115 գր եղեգնաշաքարի հետ, հատ առ հատ ավելացնում ենք ձվերը, լցնում ալյուրը, փխրեցուցիչը, չրերը և զանգվածը լավ խառնում ենք։
Ձևամանը կարագապատում ենք, ալյուր ցանում և լցնում խմորի մի մասը։
Շարում ենք մանդարինները։
Այնուհեըև լցնում ենք խմորի մյուս մասն ու կրկին մանդարիններ շարում։ Թխում ենք նախօրոք 180 աստիճան տաքացրած ջեռոցում 60 րոպե։
Զարդարում ենք ըստ ճաշակի և մատուցում։