Հաղարջը պարունակում է վիտամին C ասկորբինաթթու, որն անհրաժեշտ է բազմաթիվ օրգանների նորմալ գործունեության համար։ Այն ամրապնդում է նաև իմունիտետը։ Բավական է օրական մեկ գդալ ուտել, որպեսզի խուսափեք հիվանդություններից։

1. Հաղարջը լցնում ենք արծնապատ (էմալե) թասի մեջ, դնում ենք կրակի վրա ու տաքացնում ենք, որպեսզի գոլորշի առաջանա։ Այնուհետև հաղարջը տաք վիճակում փայտե գդալի օգնությամբ անցկացնում ենք մաղով։
   
2. Ստացված զանգվածին ավելացնում ենք շաքարավազը, դնում ենք կրակի վրա ու հասցնում ենք եռման աստիճանի։ 15-20 րոպե եփելուց հետո հանում ենք կրակի վրայից և փրփուրը հեռացնում ենք։
   
3. Կրկին դնում ենք կրակի վրա, եռացնում ու 20 րոպե թողնում ենք, որ հանգստանա։
   
4. Հանգստանալուց հետո դնում ենք կրակի վրա ու եփում ենք այնքան, մինչև դադարի փրփուր դուրս գալ։
   
5. Տաք դոնդողը լցնում ենք տաք բանկաների մեջ և 24 ժամ թողնում ենք բաց վիճակում։ Այնուհետև ամուր փակում ենք կափարիչով։