- Yield: 3 ժամ անց
- Prep Time: 5 minutes
- Cook Time: 10 minutes
Այսինգ` Թագավորական ջնարակ
Բաղադրիչներ
- ձու - 1 հատ(սպիտակուց)
- շաքարի փոշի - 150գր
- հյութ կիտրոնի - 1թ/գդ
Քայլերի հաջորդականություն
- Լվանում ենք ձուն օճառով, ապա առանձնցնում ենք դեղնուցն ու սպիտակուցը: Հարում ենք սպիտակուցը հարիչով կամ պատառաքաղով մինչև ստացվի միատարր զանգված:
- Ապա ավելացնում ենք շաքարի փոշին և լավ խառնում:
- Ավելացնում ենք կիտրոնի հյութը, որից մեր այսինգը կստանա գեղեցիկ գույն և փայլ:
Եվ ամեն բան պատրաստ է:
Այժմ եթե Ձեզ անհրաժեշտ է տարբեր գույների ջնարակ ստանալ, այսինգը բաժանում ենք տարբեր տարաների մեջ և ավելացնում սննդային գունանյութը:
- Խառնում ենք ու ստանում գեղեցիկ գույնի ջնարակ:
- Այսինգով կարելի է նկարել գծեր, կետեր, ինչպես նաև ամբողջությամբ պատել թխվածքաբլիթը: Եթե անհրաժեշտ է պատրաստել զանգված մեծ տարածքներ պատելու համար, ապա ավելացնում ենք այսինգի մեջ մի քանի կաթիլ ջուր և խառնում: Եթե այսինգը միևնույն է խիտ է, ապա ավելացնում ենք ևս մի քիչ ջուր, մինչև ստացվի անհրաժեշտ խտության զանգված:
- Թխվածքաբլիթը պատում ենք հետևյալ կերպ՝ սկզբում խիտ այսինգով նկարում ենք այն մասի ուրվագծերը, որն ամբողջությամբ պատելու ենք, ապա միջի մասը պատում ենք ավելի ջրանման այսինգով:
Ստացված զանգվածը լցնում ենք խոհարարական պարկերի մեջ, եթե չունեք խոհարարական պարկ, ապա կարելի է օգտագործել հասարակ պոլիէթիլենային պարկեր, ծայրերին անելով կտրվածք ու սկսում ենք նկարել:
- Ահա նկարների վրա որոշ թխվածքաբլիթներ զարդարված են կետերով, իսկ ամպիկ թխվածքաբլիթը պատված է այսինգով համարյա ամբողջությամբ:
- Այս գործում ամենակարևորը ստեղծագործական մոտեցումն է: Կատարեք նկարչական փորձեր ինչպես ինքնուրույն, այնպես էլ ներգրավելով ամբողջ ընտանիքին: Սա հետաքրքիր և ուրախ պրոցես է հատկապես Ձեր փոքրիկների համար:
Այսինգի պատրաստման համար անհրաժեշտ է երկու հիմնական բաղադրիչ՝ ձվի սպիտակուց ու շաքարի փոշի: Մեկ սպիտակուցից ստացվում է մեծ քանակությամբ այսինգ, որը բավական է 1կգ թխվածքաբլիթը զարդարելու համար 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Wor xndrem ays txwazqabliti baxadratoms ktaq
Նելլի ջան հետևեք մեր էջին, այնտեղ շուտով կտեղադրվեն նման թխվածքաբլիթներ, իսկ սա պարզապես այսինգի բաղադրատոմս է 🙂
Ayo imaza inz konkret ays txwazqabliti baxadratomsne hetaqrrum
Նելլի ջան կարող եք պատրաստել փխրուն խմոր և պարզապես ձևավոր կտրատել թխվածքաբլիթները 🙂
Anchap shnorhakal em pordzenq))
Միշտ պատրաստ ենք օգնել 🙂
Isk nereceq patrasteluc anmijapes heto karox enq zardarel?
Այո, սիրելի Անի, պատրաստելուց անմիջապես հետո կարող եք զարդարել։)
Barev dzez nereceq isk golorshu vra chen epum aysing@?