Վերջին ժամանակներում խոհարարության աշխարհում իսկական հեղափոխություն է տեղի ունեցել, որտեղ իրենց հաստատուն տեղն են գտել յուրովի գեղեցկությամբ ցնցող տարատեսակ թխվածքներ: Նրանք հիացնում են զարմանահրաշ գունային խայտաբղետությամբ և շլացուցիչ փայլով: Այդ շքեղ տեսքը տալիս է հայելային ջնարակը:

Հայելային ջնարակը մի հետաքրքիր և յուրովի ծածկույթ է տորթերի և թխվածքների համար: Նույնիսկ ձեր արտացոլումը կարող եք տեսնել ջնարակով պատված թխվածքի վրա:

Ամենևին հարկավոր չէ լինել պրեֆեսիոալ խոհարար, որպեսզի զարմացնել ընտանիքի անդամներին և ընկերներին յուրահատուկ հրուշակեղենով: Բավական է միայն իմանալ  հայելային ջնարակի պատրաստման գաղտնիքները և այդ դեպքում սովորական տորթը կդառնա արվեստի իսկական գլուխգործոց:

Հայելային ջնարակ մեղրով

Բաղադրիչները`

• Ժելատին -12 գր
• Մեղր-150 գր
• Սպիտակ շոկոլադ -150գր
• Ջուր – 75 մլ
• Խտացրած կաթ – 100 գր
• Շաքարավազ – 150 գր

Պատրաստում ենք մեղրով հայելային ջնարակը: Թրջում ենք ժելատինը: Շաքարավազից պատրաստում ենք սիրոպ (օշարակ), ապա ավելացնում մեղր: Մանրեցնում ենք սպիտակ շոկոլադը և խառնում խտացրած կաթի հետ: Ստացված զանգվածին ավելացնում ենք սիրոպը, պատրաստի ժելատինը և հարում բլենդերով: Այսպիսով մեղրով հայելային ջնարակը պատրաստ է:

Հայելային ջնարակ հատապտղային խյուսով

Բաղադրիչները`

• Հատապտղային խյուս – 100 գր
• Կաթ – 70 գր
• Սերուցք (յուղայնություն 33%) – 45 գր
• Շաքարավազ-25 գր
• Գլյուկոզա – 45 գ
• Սպիտակ շոկոլադ -320 գրգր
•  Ժելատին -1 տուփ

Ժելատինը թրջում ենք: Հատապտղային խյուսը, կաթը, սերուցքը, շաքարավազը, գլյուկոզան հասցնում եք եռման աստիճանի: Ապա ավելավնում ենք հալեցրած սպիտակ շեկելադը և ժելատինը: Խառնուրդը լցնում ենք բլենդերի մեջ և հարում: Այսպիսով ստանում ենք հատապտղային խյուսով ջնարակ:

 

Փայլող հայելային ջնարակ

Բաղադրիչները`

• Ջուր -90մլ
• Շաքարավազ-240 գր
• Օշարակ- 80 գր
• Ժելատին -1 տուփ
• Սերուցք (յուղայնություն 30%) – 160 գր
• Կակաո – 80 գր

Նախ և առաջ հարկավոր է թրջել ժելատինը, ապա մի կողմ դնել, որպեսզի ուռչի:  Oշարակը և շաքարավազը լցում ենք ամանի մեջ, դնում կրակին և հասցնում մինչև եռալը: Հանում ենք խառնուրդը կրակից և ավելացնում արդեն եռացրած սերուցքը: Խառնում ենք ստացված զանգվածը, ավելացնում ենք կակաոյի փոշի և ևս մեկ անգամ լավ խառնում:  Այս ընտացքում ժելատինը արդեն հասցրել է ուռչել: Այնուհետև ավելացնում ենք ջնարակը ամանի մեջ և հարում: Ջնարակի ջերմաստիճանը պետք է լինի 37⁰С: Ահա և վերջ: Փայլող ջնարակը պատրաստ է:

Սպիտակ հայելային ջնարակ

Բաղադրիչները`

• Գլյուկոզայի օշարակ -155գր
• Ժելատին -12 գր
• Խտացրած կաթ -90 գր
• Շաքարավազ – գր
• Ջուր – 77 մլ
• Սպիտակ շոկոլադ – 155 գր

 Պատրաստում ենք սպիտակ հայելային ջնարակը: Նախքան սպիտակ ջնարակ պատրաստելը, նախ և առաջ թրջում ենք ժելատինը, որպեսզի այն ուռչի: Ջուրը պետք է լինի հնարավորինս սառը: Ամանի մեջ լցնում ենք ջուր, գլյուկոզայի օշարակ, շաքարավազ և  եռացնում ենք խառնուրդը: Այնուհետև մանրեցրած շոկոլադը, խտացրած կաթը, պատրաստի ժելատինը: Խառնուրդը լցնում ենք բլենդերի մեջ և հարում: Ապա 12 ժամով խառնուրդը դնում ենք սառնարանը: Սպիտակ հայելային ջնարակը պատրաստ է: Տորթի վրա քսելու ժամանակ հարկավոր է այն տաքացնել (օրինակ` միկրոալիքային վառարանում):

 

 

Գունավոր հայելային ջնարակ

Բաղադրիչները`

• Ժելատին -12 գր
• Գլյուկոզայի օշարակ  (այն կարող եք փոխարինել ինվերտային օշարակով, ինչպես նաև մեղրով)
• Սպիտակ շոկոլադ -150 գր
• Խտացրած կաթ -100 գր
• Շաքարավազ -150 գր
• Ջուր -60 գր
• Սննդային ներկ

Պատրաստման եղանակը:

Ժելատինը լցնում ենք ամանի մեջ և ավելացնում ենք 60 գր ջուր:  Ապա կաթսայի մեջ լցնում ենք շաքարավազ, ինվերտային օշարակ և ջուր: Դնում ենք կրակին: Հասցնում ենք մինչև եռալը, որպեսզի շաքարավազը հալի: Այնուհետև հալեցնում ենք շոկոլադը և լցնում բլենդերի մեջ, ապա ավելացում ենք խտացրած կաթը, ինվերտային օշարակը և արդեն իսկ պատրաստի ժելատինը և սննդային ներկը, բավական է ընդամենը մի քանի կաթիլ և հարում այնքան, որպեսզի ստանանք առանց գնդիկների խառնուրդ: Ահա այսքանը: Մեր գունավոր հայելային ջնարակը պատրաստ է:

 

Իհարկե հայելային ջնարակի այս բաղադրատոմսերը միակը չեն, բայց ամենատարածվածն են:

Եթե որոշել եք հետաքրքիր և համեղ անակնկալ մատուցել սիրելիներին, զարդարել տորթը հայելայի  ջնարակով,ապա պարզապես օգտվեք բաղարատոմսերից: Փորցեք և անկասկած կստացվի: