Վարդեր

Այսպիսի նախուտեստ պատրաստելու համար շատ հարմար են ոչ մեծ չափի լոլիկները, օրինակ` չերրի։ Լոլիկը 3 կամ չորս կողմից կտրվածք ենք տալիս` բայց մինչև վերջ չենք կտրում։ Այնուհետև նորից ենք այդպիսի կտրվածքներ անում, բայց արդեն ավելի խորը։ Կախված լոլիկի չափից նույն գործողությունը կրկնում ենք 2-3 անգամ։
Որպեսզի վարդի թերթիկների տպավորություն ստանանք, այդ անցքերում պանրի բարակ շերտեր ենք դնում։ Կարող ենք ցանկացած տեսակի պանիր օգտագործել` մոցարելլա, բրինզա կամ սուլուգունի։
Մատուցելիս նախուտեստը ձևավորում ենք ռեհանի կամ մաղադանոսի ճյուղերով, ըստ ճաշակի աղ անում և վրայից ցողում ձիթայուղով։

Սնկեր

Բոլորն էլ ունեն այսպիսի նախուտեստի բաղադրատոմս . ինչպես լոլիկով, այնպես էլ ձվով։ cooks.am-ն  առաջարկում է հետևյալ տարբերակ:  Առաջին հերթին պատրասենք սնկի ոտքը՝ տվյալ դեպքում եկեք այն պատրաստենք կաթնաշոռային զանգվածով։ Դրա համար անհրաժեշտ է՝
– 200 գր կաթնաշոռ,
– 2 ճ/գդ թթվասեր,
– 1 պտղունց աղ,
– 10 հատ ռեհանի կամ սամիթի ճյուղ։
Կանաչին մանր կտրատում ենք։ Բոլոր բաղադրիչները պատառաքաղով կամ բլենդերով խառնում ենք, մինչև համասեռ զանգված ստանանք։ Կարող ենք սխտոր ավելացնել` ըստ ճաշակի։ Խոնավ ձեռքերով գնդեր ենք պատրաստում և դնում ամանի վրա։ Լոլիկը 2 մասի ենք բաժանում։ Այնուհետև կտրած լոլիկը դնում ենք կաթնաշոռային զանգվածի վրա և թթվասերով կամ մայոնեզով կետիկներ անում գլխարկների վրա։

Զամբյուղներ

Լցոնված լոլիկներն ավելի գեղեցիկ կլինեն, եթե զամբյուղների տեսքով ձևավորենք։ Դրա համար լոլիկի վերևի մասից 2 հատված ենք կտրում` մեջտեղում 0,5 սմ հաստությամբ շերտ ենք թողնում, որը զամբյուղի բռնակն է լինելու։ Լոլիկի միջուկը գդալով հանում ենք (միջուկը կարող ենք սոուսի մեջ օգտագործել, կամ էլ կարող ենք խառնել միջուկի հետ)։
Միջուկի համար օգտագործում ենք կարտոֆիլով աղցան. այն պատրաստելու համար 2 հատ կարտոֆիլ և 3 հատ ձու ենք խաշում։ Սառեցնում ենք և խորանարդաձև կտրատում։ Ոչ մեծ կապ կանաչ սոխը մանր կտրատում ենք։ Աղցանը համեմելու համար վերցնում ենք 2 ճ/գդ մայոնեզ, 2 ճ/գդ թթվասեր, 1 ճ/գդ կիտրոնի հյութ, 1 թ/գդ ոչ կծու մանանեխ, ըստ ճաշակի աղ և պղպեղ։ Այդ ամենը խառնում ենք իրար և սկսում լոլիկները լցոնել։
Ցանկության դեպքում աղցանի մեջ կարող ենք եփած երշիկի, խոզապուխտի կամ տապակած բեկոնի խորանարդներ լցնել։

Կապրեզե-հարմոն

Հայտնի իտալական աղցան-խորտիկը ևս կարելի է յուրօրինակ մատուցել։ Դրա համար լոլիկը ոչ թե շերտերի ենք բաժանում, այլ կտրվածքներ ենք տալիս` բայց ոչ մինչև վերջ։ Կտրվածքի տեղերում մոցարելլա պանիր ենք դնում։ Մատուցելիս ըստ ճաշակի համեմում ենք, ձիթայուղով ցողում և ռեհանի տերևներով ձևավորում։

Կակաչներ

Կակաչներ պատրաստելու համար մեզ հարկավոր են երկարավուն լոլիկներ։ Այդ դեպքում պատրաստի նախուտեստը ավելի շատ կնմանվի կակաչների։ Լոլիկների վրա խաչաձև կտրվածքներ ենք անում։ Գդալով զգուշորեն հանում ենք լոլիկի պտղամիսը և միջուկով լցոնում։
Միջուկի համար. 200 գր կաթնաշոռը բլենդերով հարում ենք և խառնում քիչ աղ դրած 100 գր կարմիր ձկան հետ։ Միջուկը ըստ ճաշակի աղ ենք անում։ Այս միջուկը ոչ միայն շատ համեղ է, այլև օգտակար. հագեցած է սպիտակուցներով, օմեգաճարպաթթուներով, բջջանյութով և քիչ քանակությամբ ածխաջրերով։ Ծաղկի ցողունների համար կարող ենք ցանկացած տեսակի կանաչի օգտագործել, բայց ամենահարմարը` կանաչ սոխն է։

Աշտարակներ

Լոլիկից աշտարակներ պատրաստելու համար պետք է նախապես սմբուկ և դդմիկ պատրաստել։ Ամբուկն ու դդմիկը բարակ շրջանաձև կտրատում ենք և թավայի մեջ կամ ջեռոցում տապակում մոտ 20 րոպե`  վրան ձիթայուղով ցողելով։ Մինչև պատրաստ լինի, կսկսենք պանրի շերտերը պատրաստել։ Դրա համար 100 գր հալած պանիրը խառնում ենք 10 հատ մանրացված ռեհանի թևերի (կամ մի քանի ճյուղ սամիթի հետ) և մեկ պճեղ մանր կտրատած սխտորի հետ։ Լոլիկը կտրատում ենք բարակ շերտերով։ Հավաքում ենք աշտարակը`յուրաքանչյուր կտորի վրա քսում ենք պանրի շերտը և բանջարեղենը հաջորդաբար շարում։ Կարող ենք մատուցել թե տաք և թե սառը վիճակում։ Նախուտեստը կարող ենք նաև մանղալի վրա պատրաստել։

Զատիկներ

Զատիկներ պատրաստելու համար լոլիկի մի կողքից մի փոքր հատված ենք կտրում, մեջտեղից կիսում այն՝ կտորներն ամբողջությամբ չառանձնացնելով իրարից: Արդյունքում ստանում ենք զատիկի թևիկները։ Ձիթապտղով կամ սև հաղարջով լոլիկի վրա պուտեր ենք անում, իսկ չոր մեխակով` «աչուկներ»։
Լոլիկի մյուս կեսից հանում ենք պտղամիսը (այն հարկավոր չի, կարող ենք լոլիկի սոուս պատրաստել) և լցոնում միջուկով:
Միջուկի համար կարող ենք ձվի հետ հավասարաչափ խառնած հալած պանրիկ օգտագործել` համեմված մայոնեզով, սխտորով, աղով և պղպեղով։ Կարող ենք նաև կարտոֆիլային աղցան օգտագործել, որի բաղադրատոմսը վերևում նշված է։

Սրտիկներ

Սրտիկներ պատրաստելու համար անհրաժեշտ են երկարավուն լոլիկներ։ Դրանք պետք է անկյունագծով կիսենք, 90 աստիճան շրջենք և միացնենք իրար։ Որպեսզի «սրտիկներ»-ն իրենց ձևը պահպանեն հարկավոր է փայտիկների վրա հագցնել։ Ցանկության դեպքում լոլիկները կարող ենք տարբեր միջուկներով լցոնել` ըստ ճաշակի։ Այս նախուտեստը շատ հարմար է ռոմանտիկ ընթրիքի համար։