Յուրահատուկ սպագետտի

Բաղադրիչները՝

• ձիթայուղ – 50 մլ
• սոխ – 1 գլուխ
• սխտոր – 5 պճեղ
• պղպեղ սև – 2 պտղունց
• լոլիկ – 400 մլ (հյութի մեջ)
• ջուր – 100 մլ
• աղ – ըստ ճաշակի
• ռեհան – 2 ճ/գդ
• կարագ – 40 գր
• պանիր պարմեզան – 50 գր

Պատրաստման եղանակը

• Սոխն ու սխտորը մանրացնում և ձիթայուղով տապակում ենք և ավելացնում ենք կարմիր պղպեղը։
• Այնուհետև լոլիկը ձեռքերով ճզմում ենք, հյութի հետ լցնում տապակի մեջ և ավելացնում աղն ու ջուրը։ Լավ խառնում ենք, ավելացնում կտրատած ռեհանը։
• Սպագետտին եփում ենք։
• Լցնում ենք սոուսի մեջ, վրան քերած պարմեզան ու մի կտոր կարագ լցնում։Նրբերշիկները տապակում ենք և լցնում սպագետտիի վրա։
• Զարդարում ենք քերած պարմեզանով ու վայելում։
  

  Սպագետտի բոլոնեզ

Բաղադրիչներ՝

• միս տավարի – 400 գր
• միս խոզի – 200 գր
• սոխ – 1 գլուխ
• նեխուր – 50 գր
• գազար – 100 գր
• սխտոր – 3 պճեղ
• ձիթայուղ – 40 մլ
• կարագ – 30 գր
• գինի սպիտակ – 150 մլ (չոր)
• արգանակ տավարի մսի – 300 մլ
• լոլիկ – 150 գր (խյուս)
• ռեհան – 2 թ/գդ (չորացրած)
• պղպեղ սև – 1/2 թ/գդ
• աղ – 1,5 թ/գդ
• սպագետտի – 500 գր
• սերուցք մինչև 20% յուղայնությամբ – 150 մլ

Պատրաստման եղանակը

• Սոխը կտրատում ենք, նեխուրը երկայնքով բարակ կտորների բաժանում, գազարն անցկացնում ենք խոշոր քերիչով, իսկ սխտորը՝ մանրացնում: Սոխն ու սխտորը ձիթայուղի մեջ տապակում ենք մինչև թափանցիկ դառնան, ավելացնում ենք գազարն ու նեխուրը և միջին ուժգնության կրակի վրա, անընդհատ խառնելով, մոտ 5 րոպե եփում։
• Տավարի և խոզի միսն աղում ենք: Թավայի մեջ կարագ ենք դնում և խճողակը տապակում՝ թիակով մսային գնդիկները մանրացնելով (կարող ենք սկզբում տապակել խոզի միսը, այնուհետև վերջինիս արտազատած յուղի մեջ տապակել տավարի աղացած միսը)
• Եթե միսը գույնը փոխել է, ավելացնում ենք գինին և եփում ենք, մինչև ողջ հեղուկը գոլորշիանա:
• Մսի վրա ենք լցնում տավարի արգանակը, լոլիկի խյուսը, ավելացնում համեմունքները, խառնում և փակ կափարիչով շատ թույլ կրակի վրա՝ անընդհատ խառնելով մոտ 1 ժամ եփում:
• Քանի դեռ, սոուսը եփվում է, փաթեթի վրա նշված ցուցումների համաձայն, պատրաստում ենք պաստան, բայց պատրաստ լինելուց 1-2 րոպե առաջ կրակից վերցնում ենք:
• Եթե միսն արդեն փափուկ է, ավելացնում ենք սերուցքը, խառնում ենք և հասցնում եռման աստիճանի:
• Սպագետտիի վրա սոուս ենք լցնում և տաք վիճակում մատուցում:
  

  Պաստա Կարբոնարա

  Բաղադրիչներ՝

• մակարոն – 250 գր
• խոզապուխտ – 100 գր
• պանիր պարմեզան – 80 գր
• սխտոր – 2 պճեղ
• ձու – 2 հատ
• ձիթայուղ
• մաղադանոս
• աղ
• պղպեղ սև

  Պատրաստման եղանակը

• Ջրով լի կաթսան դնում ենք կրակի վրա և հասցնում եռման աստիճանի։ Եռալուց հետո ջրի մեջ աղ ենք լցնում, ավելացնում ենք մակարոնը և 8-10 րոպե եփում։ Ջուրը թափում ենք, թողնելով 4 ճ/գդ օսլայաջուր (որում մակարոնը եփվել է)` սոուսի մեջ օգտագործելու համար։
  Խոզապուխտը բարակ երկարավուն շերտերի ենք բաժանում։ Պարմեզանը մանր կտրատում ենք։ Ձվերն ու 50-60 գր պարմեզանը հարում ենք և ավելացնում սև պղպեղ։
• Միջին ուժգնության կրակի վրա ձիթայուղը թավայի մեջ տաքացնում ենք։ Ավելացնում ենք խոզապուխտը և 3 րոպեի ընթացքում տապակում ենք։ Այնուհետև ավելացնում ենք մանրացված սխտորը և 1 րոպե տապակում ենք մինչև փափկի։
  Չորացրած մակարոնը լցնում ենք թավայի մեջ և 2 րոպե թողնում ենք` մինչև մակարոնը իր մեջ ներծծի խոզապուխտի յուղն ու ձիթայուղը։
• Մակարոնը կրակի վրայից վերցնում ենք։ Այնուհետև արագ լցնում ենք ձուն ու պանիրը, և արագորեն խառնում։ Ավելացնում ենք մակարոնի ջուրը` 4 ճ/գդ։
  Պատրաստելուց հետո անմիջապես մատուցում ենք` վրան ցանելով պարմեզան և մաղադանոս։

  Պաստա «Ֆետուչինի»

  Բաղադրիչներ՝

• պաստա – 500 գր (ֆետտուչինի)
• ձիթայուղ – 2 ճ/գդ
• կարագ – 100գր
• սոխ – 1 գլուխ
• սխտոր – 4 պճեղ
• լոլիկի մածուկ – 300գր
• շաքարավազ – 1 պտղունց
• աղ – ըստ ճաշակի
• պղպեղ սև – ըստ ճաշակի
• սերուցք մինչև 20% յուղայնությամբ – 1 բաժակ
• պանիր պարմեզան – 100գր(քերած)
• ռեհան – 2 ճյուղ(կանաչ)Պատրաստման եղանակը 
• Պաստան պատրաստում ենք այնպես, ինչպես նշված է տուփի վրա։ Այնուհետև պաստայի ջուրը թափում ենք` 1 բաժակը պահում ենք սոուսի համար։
• Սերուցքային կարագն ու ձիթայուղը տաքացնում ենք միջին ուժգնության կրակի վրա։ Ավելացնում ենք կտրատված սոխն ու սխտորը և մոտ 1 րոպե տապակում։
• Այնուհետև ավելացնում ենք լոլիկի մածուկը, աղը, պղպեղն ու շաքարավազը, ապա ավելացնում ենք պաստայի ջուրը: Թույլ կրակի վրա անընդհատ խառնելով՝ 25-30 րոպե եփում ենք։
• Վերցնում ենք կրակի վրայից, ավելացնում պատրաստի պաստան, սերուցքը, քերած պանիրը և թարմ մանրացրած ռեհանը և մատուցում:
  

  Օրիգինալ պաստա

  Բաղադրիչներ՝

• ձիթայուղ – 1ճ/գդ
• միս տավարի (աղացած) – 350գր
• սխտոր – 3 պճեղ
• սոխ – 1 գլուխ
• լոլիկ – 800գր
• մակարոն – 450գր
• պանիր պարմեզան – 2ճ/գդ
• աղ
• պղպեղ սև
• պղպեղ կարմիր Պատրաստման եղանակը 
• Ձիթայուղով պատված թավայի մեջ տապակում ենք կտրատած սոխը, ապա ավելացնում աղացած միսը և խառնում ենք:
• Եփում ենք միջին  ուժգնության կրակի վրա, համեմում ենք աղով և պղպեղներով, ավելացնում ճզմած սխտորը, մանրացված լոլիկը և եփում  ևս 20 րոպե:
• Մակարոնը խաշում ենք ջրում՝ թողնելով փոքր-ինչ հում վիճակում:
• Քանդվող ձևամանի մեջ լցնում ենք պատրաստված սոուսի մի մասը, այնուհետև ուղղահայաց դիրքով դասավորում մակարոնները:
• Մակարոնների վրա լցնում ենք սոուսի մյուս մասը, ապա քերած պարմեզանը:
• Եփում ենք ջեռոցում 30 րոպե մինչև պանիրը հալչի և չոր շերտ առաջացնի: