Ավագ Ուրբաթ Բերմուդյան կղզիների բնակիչները համտեսում են ձողաձկան միջուկով կարկանդակ և բուլկիներ՝ զարդարված խաչերով։ Այս ավանդույթը գալիս է բրիտանացիներից։

Ֆրանսիայում Սուրբ Զատիկի տոնին սեղաններին լինում է գառան ոտք, որը պատրաստվում է սովորական եղանակով՝ միսը համեմում են աղով, սխտորով ու հազրեվարդով և եփում են։ Իսկ ոչ մեծ քաղաքներում Կենտրոնական հրապարակում հավաքավում են մարդիկ ու պատրաստում են հսկայական ձվածեղ՝4500 ձվից 1000 հոգու համար։
Ըստ պատմական փաստերի՝ Նապոլեոնն իր զինվորների հետ մեկնում էր Ֆրանսիայի հյուսիս և վայելում  համեղ ձվածեղը։ Նապոլեոնին այնքան դուր էր եկել, որ հաջորդ օրը հրամայում է քաղաքի բնակիչներին պատրաստել հսկայական ձվածեղ իր զինվորների համար։

Ռուսները կաթնաշոռով ու թթվասերով պատրաստում են նրբահամ դեսերտ “Пасха”։ Այն 10-12 ժամ պահում են հատուկ ձևամանի մեջ, զարդարում են չրերով և ХВ տառերով, որը նշանակում է՝ «Քրիստոս հարյավ»։

Լեհերը Սուրբ Զատիկը դիմավորում են գլազուրապատ կեքսով։ Յուրաքանչյուրն այն պատրաստում է իր բաղադրատոմսով, սակայն բաղադրիչներում անպայման առկա են լինում՝ կարագ, ձու, ալյուր, շաքարավազ, կիտրոնի հյութ ու կեղև։

Գերմանացիներն Ավագ Հինգշաբթի մատուցում են կանաչ ապուր՝ պատրաստված վայրի մաղադանոսով ու կերբելուկով։ Բանջարեղենային արգանակի մեջ եփում ենք բանջարեղենները՝ կարտոֆիլը, նեխուրը, պրասը (սոխի տեսակ), կերբելուկը։